हिब्रू 2:3 - थुलुङ राई

³ मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

हिब्रू 2:3 Referans Kwoze

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

लूका 1:2

माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।

रेम्‍बेट्‌मिडिम ल्‍वा 7:10

मेर्मिमका डोक्‍पु लो़लामका आरे र्‍वाम्‍डिमा येम्‍डी: “हप गन्‍खोपडा गन्‍पा माम्‍चु़नी नुङ भेन्‍दाचो़का सेल्‍सामी।”

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

मत्ती 23:33

“गानी ब्‍लोमिम नुङ ङेनुङमा ब्‍लोकु चो़मिम, गानी खादीगोयु़ लक्‍पा देन्‍देडाम हेसाका प्‍लु़न्‍सिनी मा?

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

यूहन्‍ना 15:27

ङादो आथामङा गानी गोनुङ बुनिमिमका गानी वो आमा दुथाम सो़पा दु़म्‍नी।”

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

मर्कूस 1:14

यूहन्‍ना चु़म्‍मिडिम चङडा, माम्‍चु़नीकु जो़पा-सेला थो़बेत्तोङा येशू गालीलडा रोम्‍फाम्‍डी।

१ थेसलोनिकी 5:3

“आकी न भ्रसिक्‍पा बु, हामकाम वो ङिम मिबु” र्‍वाक्‍साका मु़चु़मिमका र्‍वामिम बुमी। मेराम थारीकाङा गोजु़मे मेसेमका चो़च्‍चो़ कमु लागि उ थो़म नो़पा थारी रोथामिम होङङा स्‍वामु मेल्‍वासाका मेर्मिम कोचोत्ति पुयु़लुमी।

लूका 1:69

गुमीका इकीमा लागि उनी त्‍वाकु डु़ल्‍चो़ दाऊदकु चो़-चु़सु़मिमगोलामका सेल्‍पा कोले यु़मचो़ ग्‍वाक्‍साड्‌डामिम बु।

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

हिब्रू 1:1

माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

१ यूहन्‍ना 1:1

सु़म्‍दिमोलो आथामङा बाट्‌पा कोले, गुमीलाई गुकु ल्‍वात्तोकोम थो़त्तोकोम बु। गुकु आकी मिक्‍सीकाङा गुमीलाई ल्‍वात्तोकोम बु, मा आकी ल्‍वाकाङा गुमीलाई लु़प्‍तोकोम बु। गुमी येशू ख्रीष्‍ट, त्‍वारो़म ग्‍वाक्‍पा सिजेम।

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।