हिब्रू 2:10 - थुलुङ राई

¹⁰ माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

हिब्रू 2:10 Referans Kwoze

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 6:20

इकीमा लागि येशू गुइडाम ङादोङा मेराम बायडा लमु दु़म्‍मिडिम बु। मल्‍कीसेदेक डु़म्‍लाचो़ होप्‍मामङा गुमी हेल्‍लो लोवो दु़म्‍पाम बाट्‌पा डोक्‍पु डु़म्‍लाचो़ दु़म्‍मिडिम बु।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

लूका 24:26

यु़म-झ्‍वाक्‍सी डार्मु ङादो हाम ख्रीष्‍टका खोत्‍ले उ दु़खा इम्‍मु बासिक्‍पा मेबायावा मा?”

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

हिब्रू 7:28

मोशाकु डु़म्‍लाका ने छु़ल बोमु चापा मु़चु़ बाइडा लोवो डोक्‍पु डु़म्‍लाचो़ थुड्‌डु़। लावो मोशाका डु़म्‍ला ग्‍वाक्‍तु़मिम चङ्‌डा माम्‍चु़नीका कसम पेसाका र्‍वाम्‍डिम सिजेमका हेल्‍लो लोवो दु़म्‍पाम बाट्‌पा मा खोत्‍ले बोमु चापा उनीमा तारापाचो़ येशूलाई डोक्‍पु डु़म्‍लाचो़ थुट्‌मिडी।

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

रेम्‍बेट्‌मिडिम ल्‍वा 4:11

“आकीमा ङाचो़ नुङ माम्‍चु़नी, डोक्‍पु बोमु, नङ कोमु मा यु़म रमुका घ्रेट्‌पा गानी, हेङालोने खोत्‍ले गानी प्रङ्‌निमी मा इनीमा नका मेर्मिम प्रङ्‌सिम्‍डी मा मेर्मिमका त्‍वारो़म ल्‍वाम्‍डिम बु।”

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

रोमी 9:23

मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

२ कोरिन्‍थी 5:18

ओर्मिम खोत्‍ले माम्‍चु़नीका बेम्‍डिम सो़। गुमीका ख्रीष्‍टलामका उनीमा नुङ इकीमा न-थो़म घ्रो़म्‍बेसाड्‌डामी मा वाङमिम मु़चु़काम न-थो़म गुमीनुङ घ्रो़म्‍बेट्‌पा खारी वो गुइलाई ग्‍वाक्‍साड्‌डामी।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

यूहन्‍ना 19:30

येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

लूका 13:32

येशूका मेर्मिमलाई र्‍वाम्‍डी, “लक्‍निमा लु-फेले बेपा मे सेरूली होप्‍माम मु़चु़लाई र्‍वाक्‍नी, ‘कोलेम-नलेम गो मुनाङ पेल कोलु, मा मु़चु़मिमलाई सबेट्‌पुमी। मेकोतिमा सुलेमनेम ने आमा खोत्‍ले खारी बोमु दु़म्‍सोक्‍पु।’

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”