हिब्रू 13:8 - थुलुङ राई

⁸ येशू ख्रीष्‍ट बास्‍ता, आनेप मा हेल्‍लो लोवो कोलेङा दु़म्‍मी।

हिब्रू 13:8 Referans Kwoze

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

हिब्रू 1:12

मेर्मिमलाई गानी भ्रो़ट्‍पा ये-सेम होम्‍साका दिल्‍निमा घ्रोनी। लावो गानी ने हेल्‍लो लोवो को दु़म्‍निम बुनी।”

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

२ कोरिन्‍थी 1:19

गो, सिलास नुङ तिमोथीका गानीलाई थो़बेत्तोकोम माम्‍चु़नीकु तारापाचो़ येशू ख्रीष्‍टडा “आच्‍छाङा” नुङ “मेएँ” र्‍वाक्‍पा ल्‍वा मेबायावा। लावो गुमीडा हेल्‍लो लोवो “आच्‍छाङा” कोङङा दु़म।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

२ कोरिन्‍थी 1:20

माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।