हिब्रू 13:5 - थुलुङ राई

⁵ गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

हिब्रू 13:5 Referans Kwoze

मत्ती 6:25

“मेम्‍मिमका गो गानीलाई र्‍वाङु, इनी साम जु़ल्‍मुकाम लागि हाम पोमु-डुमु मा मिरो़मकाम लागि हाम फम्‍सिमु र्‍वाक्‍साका मिम्‍ताम-सो़र्ताम मेबेनी। पोमु-डुमुडाम साम डोक्‍पु मा ये-सेमडाम मिरो़म डोक्‍पु मेएँ मा?

मत्ती 6:34

मेम्‍मिमका दिकाम लागि मिम्‍ताम-सो़र्ताम मेबेनी। हेङालोने दिकाम लागि दिकाङा मिम्‍ताम-सो़र्ताम बेपा थारी रो। आनेपमिम दु़खा आनेपमिमकाम लागिङा छो़म ड्‍वासोट्‍पा बु।”

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

लूका 3:14

कोङ-कोङ सिपाहीमिमका वो हिलाबेम्‍डी, “गुकु ने हाम बोमु बासी?” गुका मेर्मिमलाई र्‍वाक्‍ता, “ङिमसासा सु़लाम वो इनीमा लागि खउलुङ मेरनी, मेजो़पा ल्‍वा सु़काम वो बुइडला मेउट्‌नी। त्‍वाकु तलबडा गो तिम्‍सिट्‌नी।”

२ पत्रुस 2:14

मेर्मिमका मेसेमनुङ अम्‍पा नका मेसेमलाई रेप्‍मी मा छु़ल बोमुका हेल्‍लो वो उनी गो मेतिम्‍सी। याक्‍के थो़रनुङमा मु़चु़मिमकु न मेर्मिमका फाल्‍सामी। मेर्मिमकु न-गो रारी बोमु छो़म थेट्‌पा बु। मेर्मिम वाइतो ल्‍वापामिम सो़।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

मर्कूस 7:22

रारी, मेजो़पा बेसी, लिमा, वाङमिम मेसेमनुङ अम्‍पा न, सु़ङखार, डक्‍साका जेमु, डोक्‍पुलिम्‍सिमु, नेप्‍ची मान्‍थिम दु़म्‍मु ओर्मिम खोत्‍ले मु़चु़कु गोलामका लुमी।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

१ कोरिन्थी 6:10

खुचु़वामिम, रारी बेपामिम, डु़सेवामिम डक्‍साका जेपामिम वाङमिमलाई रोट्‌पामिमका माम्‍चु़नीकु किब्‍दी मेल्‍वामी।

रोमी 1:29

मेम्‍मिमकाङा मेर्मिम खोत्‍ले मेजो़पा खारी नुङ मेजो़पा नका देम्‍मिडिम बु। मेर्मिमका रारी बोमी, घ्राम्‍मी, नाचु़र बोमी, वाङमिलाई सेन्‍मी, क्‍वाल्‍बा बोमी, लु-फेले बोमी, लिमा थेन्‍मी, कोलेका कोङमीलाई ल्‍वा सिल्‍मी,

मत्ती 6:19

“इनीमा लागि ओ सुबुडा खाप्‍ची मेफुट्‌नी। आसिन्‍डा ने मे खाप्‍ची तु़मका पु़, गारका पु़, खुचु़वाका नेम पिसाका खुमी।

२ कोरिन्‍थी 4:9

मु़चु़मिमका छो़म आकी थो़मतेर्मिडिम बु, लावो माम्‍चु़नीका गुकुलाई हेल्‍लो वो डित्तिकिमिम मिबु। मु़चु़मिमका गुकुलाई याल्‍त्तिकिमिम बु, लावो मेर्मिमका गुकुलाई सेन्‍मु चाप्‍त्तिकिमिम मिबु।