हिब्रू 13:24 - थुलुङ राई

²⁴ मण्‍डलीडाम खोत्‍ले ङाचो़मिम नुङ माम्‍चु़नीकु खोत्‍ले मु़चु़मिमलाई आकीमा सेव र्‍वाक्‍साट्‌किनी। इटालियालाम रोक्‍पा वा-ल्‍वाकमिमका वो गानीलाई सेव र्‍वाम्‍सोम्‍डिम बु।

हिब्रू 13:24 Referans Kwoze

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

थु़र्मा 18:2

गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

कलस्‍सी 1:2

कलस्‍से शहरडा बाट्‌पा माम्चु़नीकु मु़चु़मिम गानी ख्रीष्‍टडा थो़र लु़इमिम आकीमा वा-ल्वाकमिमलाई ओराम सेलाखाजेम र्‍याक्‍तोङा बोचुकु। माम्‍चु़नी इकीमा पापका दिदाम नुङ न भ्रसी ग्‍वानिमिनु़।

फिलिप्‍पी 4:22

खोत्‍ले सेपा मु़चु़मिमका, मेगोडाम रोमी हप कैसरकु नेमडाममिमका वो, गानीलाई सेव र्‍वाम्‍डिम बु।

२ कोरिन्‍थी 13:13

माम्‍चु़नीकु सेपा मु़चु़मिम खोत्‍लेका गानीलाई सेव र्‍वाम्‍डिम बु।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

१ कोरिन्थी 16:16

गानी मेर्मिम मु़चु़मिमकु ल्‍वाड्‌डा बानी। मेर्मिम नुङ मेम्‍माम ङा ब्राम्दु़ल्वा बेपा वाङमिम मु़चु़मिमकु ल्‍वाडा वो बानी।