हिब्रू 13:23 - थुलुङ राई

²³ ओराम सेला वो थो़नी। इकीमा ल्‍वाक तिमोथी झ्‍यालखानलामका लुमु दु़स्‍तु़म बु। गु दालाङा आमाडा रोक्‍ता माला गुनुङङा गो गानीलाई क्रो़म्‍डा रोङु।

हिब्रू 13:23 Referans Kwoze

फिलेमोन 1:1

ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

फिलेमोन 1:22

मेम्‍मा आथावो कोङमी ल्‍वा: गो बुमु लागि बाखोप बनेबेजो़ला, हेङालोने माम्‍चु़नीका इमा सो़म्‍दी थो़मी, मा दालाङा इमाडा ख्‍लोम्‍सिमु ग्‍वाङमी र्‍वाक्‍पा न बेउहोम बुङु।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

रोमी 15:28

मेम्मिमका मेर्मिमका थु़र्मीडिम खउलुङ ग्‍वाक्‍जो़ल्‍पुमी मा स्‍पेन लङु, मेम्‍लो गो इनीमाडा वो लुङु।

रोमी 15:25

लावो ओम्‍लो यरूशलेमडाम उनी हाम वो मेबाट्‍पा थो़रलु़पामिमकाम लागि अखैया नुङ मेसोदोनियाडा बाट्‍पा थो़रलु़पामिमका फक्‍मिडिम खउलुङ सोक्‍थिप्‍डा गो यरूशलेम लक्‍तोङा बेउ।

कलस्‍सी 1:1

माम्‍चु़नीकु नलामका ख्रीष्‍ट येशूकु थु़र्मा मु़चु़ दु़म्‍ङोडोम गो पावल नुङ गुइ होम्‍साकाङा येशूडा थो़र बेपा ल्वाक तिमोथीका,