हिब्रू 13:20 - थुलुङ राई

²⁰ भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

हिब्रू 13:20 Referans Kwoze

यूहन्‍ना 10:11

जो़पा रेपा-क्रिपा गो। जो़पा रेपा-क्रिपाका उमा भेन्‍दामिमकाम लागि उ त्‍वापलाई सासेडु़।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

रोमी 15:33

न भ्रसिबेट्‍पा माम्‍चु़नी पाप गानीनुङङा दु़म्‍मिनु़। आमेन।

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

यूहन्‍ना 10:14

“गो जो़पा रेपा-क्रिपा। भेन्‍दामिमलाई गो छेपुमी, मा आमा भेन्‍दामिमका गोलाई छेङिमी।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

१ पत्रुस 2:25

ताङताहेरथो़ लक्‍पा भेन्‍दा होप्‍माम गानी बान्‍नी। लावो ओम्‍लो गानीलाई बोपा-थार्पा नुङ इनी रेपा-क्रिपाथो़ गानी ख्‍लोन्‍सिट्‌निम बु।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

१ पत्रुस 5:4

मेम्‍मा भेन्‍दा रेपा-क्रिपा खोत्‍लेडाम डोक्‍पु रोमी। मेम्‍मा उ जो़प्‍सी हेल्‍लो वो मेदाम्‍पा यु़म-झ्‍वाक्‍सीकु मुकुट गानी ल्‍वानी।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

हिब्रू 9:20

मेम्‍मा गुका आरे र्‍वाक्‍ता, “माम्‍चु़नीडा गानीलाई गो र्‍वाङ्‌डोम होम्‍साका बोमु र्‍वाम्‍डिम सो़रख्रेप्‍सीकु सिसि ओरामङा सो़।”

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

फिलिप्‍पी 4:9

गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

थु़र्मा 5:30

गानी क्रूसडा चेट्‌निमा सेट्‌निम येशूलाई इकी ङाउ-खुउकु माम्‍चु़नीका सिमुलाम फम्‍डिम बु।

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

एफिसी 1:20

माम्‍चु़नीका ख्रीष्‍ट सिमुलाम फम्‍डी मा पाह्रीला उनीमा जो़पलाम गट्‌मिडी।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

१ कोरिन्थी 15:15

मेराम ल्‍वाडाम वो हापा गुइ माम्‍चु़नीकु दुथाम लिमा ल्‍वा सो़पा मु़चु़ दु़म्‍सी, हेङालोने माम्‍चु़नीका ख्रीष्‍टलाई सिमुलाम फम्‍डी र्‍वाक्‍साका गुइ सो़इडिम बु। लावो सिपा मु़चु़मिम सिमुलाम मेबम्‍गेमी माला ने गुमीका ख्रीष्‍टलाई सिमुलाम मेफक्‍मिवा।

१ कोरिन्थी 14:33

हेङालोने सो़रलोले बेसीडा ल्‍वा मेघ्रो़म्‍साका हाम बेबे द्‍वा मेरामङा बोमिमिम माम्‍चु़नीका न मेबोमी, लावो खोत्‍ले ल्‍वाडा न घ्रो़म्‍बेसाका तु़रु़ रेन्‍थिमिमा बोमिमिम ल्‍वाडाङा माम्‍चु़नीका न बोमी। माम्‍चु़नीकु मु़चु़मिमकु खोत्‍ले मण्‍डलीडा होङङा,

१ कोरिन्थी 6:14

माम्‍चु़नीका उनी यु़मका ङाचो़ येशूलाई सिमुलामका फम्‍डी, मा गुइलाई वो उनी यु़मका फक्‍सामी।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

थु़र्मा 13:30

लावो माम्‍चु़नीका गुमीलाई सिमुलामका फम्‍डी।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

लूका 22:20

ग्रुला पेम्‍डिमा येशूका अङ्‍गूरकु बिलामनुङमा कोङमी कान्‍चु़रे कोम्‍डिमा उनी सीसिपामिमनुङ र्‍वाम्‍डी, “ओराम कान्‍चु़रे आमा सिसिका माम्‍चु़नीनुङ उनी मु़चु़मिमकाम लाले सो़रख्रेप्‍मा सो़, मेराम इनीमा लागि सासेसाका हासी सो़।

मर्कूस 14:24

मेकोतिमा गुमीका मेर्मिमलाई र्‍वाम्‍डी, “ओराम हापा मु़चु़मिमकाम लागि हाट्‌मा सो़रख्रेपा आमा सिसि सो़।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

रोमी 10:7

त्‍वाकु नडा आरेप्‍माम वो मेमिम्‍नी, “खादीगोयु़ सु़ लक्‍पा?” (लोवो ख्रीष्‍टलाई सिमुलाम गेले खेन्‍मु र्‍वाक्‍साका)।