हिब्रू 13:2 - थुलुङ राई

² इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

हिब्रू 13:2 Referans Kwoze

मत्ती 25:35

हेङालोने गो क्रु़म सिपा बाङडो, गानी पोमु ग्‍वाङ्‌डिनी। कोरा सिपा बाङडो, डुमु ग्‍वाङ्‌डिनी। वाङथो़लाम रोक्‍पा बाङडो, इनीमा नेमडा येट्‌ङिडिनी।

रोमी 12:13

ङाचो़ येशू ख्रीष्‍टकु सेपा मु़चु़मिमकु खेरेलाडा ख्‍लो़नी, नेमडा रोक्‍पा बोच्‍चो़मिमकु चापे-डुपे बेनी।

१ पत्रुस 4:9

सु़म्‍बुर्मा मेकिसाका कोलेका कोलेकाम चापे-डुपे बेबेनी।

मत्ती 25:43

गो वाङथो़लाम रोक्‍पा बाङडो, गानी मेयेट्‌ङिनिवा, आमा ये-सेम मान्‍थिम बाङडो, फम्‍सिमु मेग्‍वाङ्‌निवा। नो़पा नुङ झ्‍यालखानडा बाङडो, गानी गोलाई मेरेप्‍ङिनिवा।’

तीतस 1:8

लावो बोच्‍चो़कु चापे-डुपे बेपा, जो़पा खारी बोमु द्‌वाक्‍पा, मिम्‍साका खारी बेपा, सु़डला वो चोमिक्‍सी मेबेसाका निया बेपा, न-गो सेपा मा त्‍वाका त्‍वापलाई जो़होमका जु़ल्‍मु चापा दु़म्‍मु बासी।

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

रोमी 16:23

आमा चापेडुपे बेपा मा खोत्‍ले मण्‍डलीलाई हुनाखाना बेपा गायसका गानीलाई सेव र्‍वाक्‍ताम बु। गायसकु नेमडा खोम्‍सिक्‍पामिम खोत्‍लेकाम सेव बु। ओराम शहरडाम कोषाध्‍यक्ष इरास्‍तस नुङ क्‍वार्टस ल्‍वाकचिपका वो गानीलाई सेव र्‍वाक्‍चिम बु।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

३ यूहन्‍ना 1:5

द्‌वादीबुङ ङोप्‍सो़, थो़र लु़पा वा-ल्‍वाकमिमलाई, मेर्मिम मेछेनामिवामङा बाम्‍डी लोवो मेर्मिमलाई रेम्मुडा गाना थो़रलु़इमिम बुना।