हिब्रू 13:14 - थुलुङ राई

¹⁴ हेङालोने ओराम सुबुडा इकीमा लागि हेल्‍लो लोवो दु़म्‍पाम बाट्‌पा शहर मिबु, लावो गुइ दिफु रोक्‍पा शहर लथाडिमिम बु।

हिब्रू 13:14 Referans Kwoze

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

एफिसी 2:19

मेम्‍मिमका आथाडा आनो गानी वाङ नेब्‍दीलाम रोक्‍पा मा मेछेडिमिम मु़चु़ होप्‍माम मेएँ, लावो माम्‍चु़नीकु मु़चु़मिमनुङ उनीमा किब्‍दीगोडा बाट्‍पा साखाम ल्‍वान्‍निम बु, मा माम्‍चु़नीकु नेमगोडाम मु़चु़मिम दु़म्‍निम बु।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

हिब्रू 4:9

माम्‍चु़नी येत्‍नोम नेम ङेम्‍सिम्‍डिम होम्‍साकाङा माम्‍चु़नीकु मु़चु़मिमकाम लागि वो ङेसिक्‍पा नेम जु़ल्मिडिम बु।

हिब्रू 2:5

गुइ ङादो आथाम र्‍वाक्‍तो बिइडिम, रोक्‍पा सु़म्‍दिसेर माम्‍चु़नीका पाह्रीचो़मिमकु साखामगोडा जु़ल्‍मिडिम मिबु।

हिब्रू 9:11

येशू ङादोङा रोमु दु़स्‍तु़म जो़पा ल्‍वामिमकु डु़म्‍लाचो़ दु़म्‍साका रोम्‍डिम बु। मेम्‍मा गुमी सेपा नुङ खोमडाम डोक्‍पु डु़म्‍लाचो़ सो़। उहेम सेपा खोम ओराम सुबुडा प्रङ्‌सिड्‌डाम मिबु मा मु़चु़कु ल्‍वाका बनेबेम्‍मा वो मेएँ।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 12:27

“आथावो कोखेप” र्‍वाक्‍पा सिजेमका प्रङ्‌सिक्‍पा खोत्‍ले ल्‍वा रुमी मा दाम्‍मी, मेरुसिक्‍पा ल्‍वामिम कोङङा हेवो मेदु़म्‍मी र्‍वाक्‍पा ल्‍वा रेम्‍बु़।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।