हिब्रू 13:13 - थुलुङ राई

¹³ गुइ वो शहरलाम पाखा गुमीकाडा लक्‍सी, मा गुमीका इम्‍मिडिम दु़खा होम्‍साकाङा गुइ वो दु़खा इम्‍डी।

हिब्रू 13:13 Referans Kwoze

हिब्रू 11:26

मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

हिब्रू 12:3

मेजो़पा मु़चु़मिम आरेसाका उनी कोर्थो़लाम बम्‍डिलो इम्‍पा येशूलाई मिम्‍नी, मेम्‍साका गानी मेघ्रु़म्‍नी मा इनीमा न-गो मेसि।

१ पत्रुस 4:4

मेर्मिमका बोमिमिम होप्‍माम मेजो़पा गानी मेबोनिमिम ल्‍वासाका मेर्मिम ङाङाया दु़म्‍मी। मेम्‍मा मेर्मिमका गानीलाई डक्‍साका जेमी।

मत्ती 27:32

लाम्‍दीडा लक्‍तोङा बेम्‍डिलो मेर्मिमका कुरेनी शहरलाम बिक्‍पा सिमोन नङकाम कोले मु़चु़ डार्मिडी। मेम्‍मा सिपाहीमिमका मेरामलाई येशूकु क्रूस कुर्मु क्‍र्‍वाम्‍डी।

लूका 9:23

गुमीका खोत्‍ले मु़चु़लाई र्‍वाम्‍डी, “कोङनिमका गोनुङ लाम्‍दिमु न बु़ माला मेरामका ङादो उ त्‍वाप कोङङा नु़ङुनु़ र्‍वाक्‍पा न मेबु़नु़, मा हेल्‍लो लोवो उ त्‍वाकु क्रूस कुर्नु़मा आमा चङचङ लाम्‍दिनु़।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 12:4

छु़लकु कोर्थो़लाममिम इनी क्‍वाल्‍बा बेसीडा गानी छु़ल भोमु लागि सेन्‍लाङा सो़सिक्‍पा थारीडा रोन्‍थिट्‌ल्‍याट्‌निम ने मिबु।