हिब्रू 12:5 - थुलुङ राई

⁵ मेम्‍मा माम्‍चु़नीका उनी चो़मिम होङङा गानीनुङ जेम्‍डिम सोहन्‍बेट्‌पा ओराम सिजेम प्‍ल्‍वान्‍निम? “ए आमा चो़, मिप्रङमाकु सीसि-चेसी सिसिवा मेलु़या, मा गुमीका ख्‍र्‍वानामिलो इ न-गो मेसेडा।

हिब्रू 12:5 Referans Kwoze

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

१ कोरिन्थी 11:32

सु़म्‍दिसेरडाम मु़चु़मिमनुङ मुमा बेन्‍ला मेसो़सिडिनु़ र्‍वाक्‍साका गुइलाई ङाचो़का इकीमा निया बोमी मा देन्‍दे ग्‍वाक्‍सामी।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

हिब्रू 12:7

सीसि-चेसीकाम लागिङा गानी दु़खा इम्‍नी, माम्‍चु़नीका गानीलाई उनी चो़मिम होङङा बोनिमिम बु। हेङालोने उ पापलामका मेसीसिक्‍पा-मेचेसिक्‍पा उहेम चो़ बु मा?

लूका 24:6

गुमी ने आसिन्‍डा मेबुमी, सिमुलाम बम्‍गेम्‍डिम बु। गालीलडा बाम्‍डिलो गुमीका गानीनुङ आरे र्‍वाम्‍डिम ल्‍वा मिम्‍नी:

लूका 24:8

मेकोतिमा येशूका याचे जेम्‍डिम ल्‍वा मेसेममिमका मिम्‍मिडी।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

१ तिमोथी 1:20

मेर्मिमगोडाम हुमेनियस नुङ अलेक्‍जेन्‍डर सो़, मेर्चिपका माम्‍चु़नीलाई डक्‍साका मेजेचिनु़ र्‍वाक्‍पा सीसिन्‍चिनु़ र्‍वाक्‍साका गो मेर्चिपलाई शैतानकु ल्‍वाडा ग्‍वाक्‍तोचिम बु।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।