हिब्रू 12:3 - थुलुङ राई

³ मेजो़पा मु़चु़मिम आरेसाका उनी कोर्थो़लाम बम्‍डिलो इम्‍पा येशूलाई मिम्‍नी, मेम्‍साका गानी मेघ्रु़म्‍नी मा इनीमा न-गो मेसि।

हिब्रू 12:3 Referans Kwoze

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

२ कोरिन्‍थी 4:16

मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

यूहन्‍ना 5:16

येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

हिब्रू 12:5

मेम्‍मा माम्‍चु़नीका उनी चो़मिम होङङा गानीनुङ जेम्‍डिम सोहन्‍बेट्‌पा ओराम सिजेम प्‍ल्‍वान्‍निम? “ए आमा चो़, मिप्रङमाकु सीसि-चेसी सिसिवा मेलु़या, मा गुमीका ख्‍र्‍वानामिलो इ न-गो मेसेडा।

लूका 14:1

कोङ ङेम्‍सिमु नेम येशू कोले डोक्‍पु फरिसीकु नेमडा ग्रुला पेप्‍डा लम्‍डी। मेसिन्‍डा खोम्‍सिक्‍पा फरिसीमिमका उनी चो़पा बेत्तोङा लेट्‌डिम बाइडा।

२ थेसलोनिकी 3:13

वा-ल्‍वाकनी, गानी ने आरेप्‍माम जो़पा खारी बोमुडा मेघ्रु़म्‍नी।

यूहन्‍ना 18:22

येशूका आरे र्‍वाम्‍डिलो उनीमा फार्डाङा येम्‍तासिक्‍पा सो़रनेम लपा कोले सिपाहीका आरे र्‍वाक्‍तो येशूलाई फोसु़डा याल्‍लु़, “डोक्‍पु ङाउ डु़म्‍लाचो़लाई हाम आरेङा र्‍वामु बासिक्‍पा?”

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

यूहन्‍ना 8:59

मेम्‍मिमका मेर्मिमका येशूलाई लुङका ओम्‍मु लागि लुङ डो़म्‍डी, लावो गुमी थसिक्‍साका सो़रनेमलामका पाखा लुम्‍डी।

यूहन्‍ना 8:13

फरिसीमिम येशूकु कोर्थो़लाम बम्‍डिमा र्‍वाम्‍डी, “इमा त्‍वाकु दुथाम त्‍वाकाङा सो़त्तो लेना, गाना सो़नामिम ल्‍वा आच्‍छाङाकाम मेएँ।”

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

लूका 16:14

खउलुङकु रारी बेपा फरिसीमिमका ओराम ल्‍वा थो़म्‍डिमा गुमीलाई सेम्‍ला बेट्‌मिडी।

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 5:21

लावो येशूका आरे र्‍वाम्‍डिम थो़म्‍डिमा मे यहूदीकु डु़म्‍ला सीपा पातु़म्‍रीमिम नुङ फरिसीमिमका उनी नड्‍डा आरे र्‍वाक्‍पा मिम्‍मु चो़म्‍मिडी, “माम्‍चु़नीलाई डक्‍साका जेपा ओराम मु़चु़का उ त्‍वापलाई सु़ र्‍वाक्‍पा मिम्‍सी? माम्‍चु़नीका कोङङा छु़ल हेम्‍मु ने चाम्‍मी।”

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

मत्ती 22:15

मेकोतिमा फरिसीमिम मेलामका लम्‍डी, मा येशूका मेजो़पा हाम-हुम जेमिमिम ल्‍वाडा वायम डमु मुलु़ बेम्‍डी।

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

मत्ती 15:2

“हेङा इनीमा सीसिपामिमका बेप-पापमिमका बेम्‍खेम्‍डिम होम्‍साका मेबोमिमिम? हेङालोने मेर्मिमका पोमु ङादो उनी ल्‍वा मेसो़ल्‍मिवा।”

मत्ती 12:24

लावो फरिसीमिमका ओराम ल्‍वा थो़म्‍डिमा र्‍वाम्‍डी, “ओराम मु़चु़का ने मुनाङमिमकु डोक्‍पु बालजिबुलकु यु़मका मुनाङ कोलु़।”

मत्ती 11:19

मिनीचो़ योक्‍ता, गुका पु़डु़-डुङडु़, मा खोत्‍लेका र्‍वाम्‍डी, ‘रेप्‍नी, पोम्सा, डु़सेवा मा कर फक्‍पा नुङ छु़लचो़मिमकु ङोप्‍सो़।’ लावो जो़पा नेप्‍ची बु र्‍वाक्‍पा उ खारीलामकाङा छे।”

यूहन्‍ना 9:40

ओराम ल्‍वा थो़म्‍डिमा येशूकु फारबाडे येम्‍तासिक्‍पा फरिसीमिमगोडाम कोङ-कोङका र्‍वाम्‍डी, “हाम गुकु वो मिक्‍सीका मेल्‍वापा र्‍वानामिम?”

यूहन्‍ना 10:20

मेर्मिमगोडाम हापाका आरे र्‍वाम्‍डी, “ओरामलाई मुनाङका हुप्‍डु़म बु, मा उ न मान्‍थिम दु़स्‍ताम बु। हेङा मेरामकु ल्‍वा थो़नी?”

१ पत्रुस 2:23

मु़चु़मिमका गुमीलाई डक्‍साका जेम्‍डिलो गुमीका मेर्मिमडला उनी छोक्‍चो मेहाट्‌मिवा। गुमीका दु़खा इम्‍मिडिलो सु़लाई वो ङिम मेसाट्‌मिवा। लावो जो़होमका निया बेपाकु ल्‍वाड्‌डा उनी त्‍वाप जु़ल्‍मिडी।