हिब्रू 12:24 - थुलुङ राई

²⁴ लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।

हिब्रू 12:24 Referans Kwoze

हिब्रू 9:15

माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।

हिब्रू 11:28

ङादो गक्‍पालाई सेट्‌पाका इस्राएलीमिमकु ङादो गक्‍पालाई मेलु़प्‍नु़ र्‍वाक्‍साका थो़रकाङा गुका सेल्‍सिमुनेमकु चाड मानेबु़डु़ मा सिसि रक्‍तु़।

हिब्रू 11:4

थो़रकाङा हाबिलका माम्‍चु़नीलाई कयिनका ग्‍वाक्‍तु़मडाम जो़पा सासेसी ग्‍वाक्‍तु़। हाबिलकु ग्‍वा-ग्‍वाका माम्‍चु़नी गेर्सिद्‌वाम्‍डिलो थो़रकाङा हाबिल गुमीका द्‌वाम्‍डिम मु़चु़ र्‍वाम्‍डी। मेम्‍मा गु सिल्‍याड्‌डा लोवो थो़रकाङा गुका आथावो सीडु़मी।

हिब्रू 8:6

लावो येशूलाई माम्‍चु़नीका ग्‍वाम्‍डिम डु़म्‍लाचो़कु खारी ने वाङमिम डु़म्‍लाचो़मिमलाई ग्‍वाक्‍मा खारीडाम डोक्‍पु बु। मेम्‍साका येशूका माम्‍चु़नीलाम उनीमा मु़चु़मिमकाडा रेट्‌मिडिम लाले सो़रख्रेप्‍सी ङादोम सो़रख्रेप्‍सीडाम छो़म डोक्‍पु बु। हेङालोने लाले सो़रख्रेप्‍सी ने मेरामडाम वो छो़म जो़पा ल्‍वामिमकु याचे जेसीलाम बनेबेम्‍डिम बाइडा।

१ तिमोथी 2:5

माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

मत्ती 23:35

आरेसाका ओराम सुबुडा सेट्‌निम मेख्‍लो़ट्‌पा मु़चु़मिम– हाबिलडाम आरेम सो़रनेम नुङ सासेन्‍खोपकु थेतेडा गानी सेट्‌निम बेरेक्‍याहकु तारापाचो़ जकरियासम्‍मकाम– मेर्मिम खोत्लेकाम सिसिकु मुमा बेन्‍ला सो़न्‍सिनी।

लूका 22:20

ग्रुला पेम्‍डिमा येशूका अङ्‍गूरकु बिलामनुङमा कोङमी कान्‍चु़रे कोम्‍डिमा उनी सीसिपामिमनुङ र्‍वाम्‍डी, “ओराम कान्‍चु़रे आमा सिसिका माम्‍चु़नीनुङ उनी मु़चु़मिमकाम लाले सो़रख्रेप्‍मा सो़, मेराम इनीमा लागि सासेसाका हासी सो़।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

हिब्रू 9:21

मोशाका आरेसाकाङा सेपा बाखोप नुङ मेगोडा बाट्‌पा खोत्‍ले सोजामडला सिसि रक्‍तु़।

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

हिब्रू 7:22

ओराम कसमलामका ङा येशूलाई ङादोम सो़रख्रेप्‍सीडाम जो़पा सो़रख्रेप्‍सी बेप्‍सोक्‍पा दु़म्‍बेडु़मी।

लूका 11:51

गो गानीलाई आच्‍छाङा र्‍वाङु, हाबिल सेट्‌मिडिम आथाम सासेन्‍खोप खोमडा नुङ सो़रनेमकु थेतेडा जकरियालाई सेट्‌मिडिमसम्‍मकाम देन्‍दे गानी आथामबिलिम मु़चु़मिमका डार्नी।

मर्कूस 14:24

मेकोतिमा गुमीका मेर्मिमलाई र्‍वाम्‍डी, “ओराम हापा मु़चु़मिमकाम लागि हाट्‌मा सो़रख्रेपा आमा सिसि सो़।

हिब्रू 8:8

लावो माम्‍चु़नीका उनी त्‍वाकु मु़चु़मिम मुमानुङमा डार्मिडी, मेम्‍मा गुमीका र्‍वाम्‍डी, “मिप्रङमाका र्‍वामी, आरेप्‍माम थारी रोक्‍तोङा लेडु़, इस्राएल नुङ यहूदाडाम मु़चु़मिमनुङ गो कोले लाले सो़रख्रेपु।

गलाती 3:20

नले मु़चु़कु थेतेडा दु़म्‍पाका ने नलेकाम लागि जे, लावो माम्‍चु़नीका अब्राहामनुङ याचे जेम्‍डिलो ने वाङमिम मु़चु़ मेथु़र्साका गुमी उनी त्‍वापङा जेम्‍डी।

हिब्रू 8:13

ओराम सो़रख्रेप्‍सीलाई लाले सो़रख्रेप्‍सी र्‍वाम्‍डी मा ङादोम सो़रख्रेप्‍सीलाई मेमोकिमिम बनेबेम्‍डी। ओराम ने मेमोकिमिम दु़म्‍तो ल मा दालाङा दाम्‍ल्‍या।

हिब्रू 9:19

मोशाका डु़म्‍लाडा र्‍याक्‍मा खोत्‍ले ल्‍वा र्‍वामु दु़म्‍स्‍तु़। मेम्‍मा छ्‌वारा नुङ बेनोकु सिसि हिसपकु ग्रेमडा भेन्‍दाकु लालाम बोलुङ बसाका मे सिसिगोयु़ प्‍लु़म्‍तो मु़चु़ नुङ डु़म्‍लाकु खाजेमडला रक्‍तु़।