हिब्रू 12:19 - थुलुङ राई

¹⁹ भुमकु लो़लाम बाट्‌पा नुङ कोले आरेप्‍माम लो़लाम जेपा खोमडा, उहेम लो़लाम ने कोङनिमका थो़म्‍डिमा आथा ने मेराम ल्‍वा थो़मेबेट्‌किनु़ र्‍वाम्‍डिम-र्‍वाम्‍डिमङा बेम्‍डिम मेराम खोमडा गानी रोक्‍निम मिबु।

हिब्रू 12:19 Referans Kwoze

१ कोरिन्थी 15:52

घरिकोङकाङा, मिक्‍सीकु चिक्रिमकाङा, चङडाम थारीकु भुमकु लो़लामडा गुइ मिरो़मडा वाङ दु़म्‍सीमा ख्‍लोसिडी। हेङालोने भुम जे, मा सिपा मु़चु़मिम हेल्‍लो वो मेसिपा बेसाका बमी। गुइ नु़पामिम ने लाले मिरो़म ख्‍लोसिडी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?