हिब्रू 12:15 - थुलुङ राई

¹⁵ कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

हिब्रू 12:15 Referans Kwoze

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ यूहन्‍ना 1:8

चङचङया बानी, गानी हामकाम लागि खारी बेत्तोङा लेनी मेराम दाम्‍सोक्‍पा मेएँ लावो छो़म पुरस्‍कार ल्‍वामु चाप्‍नी।

१ कोरिन्थी 15:33

मु़चु़मिमकु आरेप्‍माम ल्‍वाका गानीलाई ताङताहेरथो़ मेलनिमिनु़: “मेजो़पा मु़चु़मिमनुङ लाम्‍दिसीका जो़पा बादीखाम फाल्‍सी।”

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

२ कोरिन्‍थी 13:5

गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

गलाती 2:13

पत्रुसका बेपा लिसिड्‍डाम होङङा वाङमिम यहूदी थो़रलु़पामिमका वो उमा बेसी बेम्‍डी, मा बारनाबासका वो मेमङा बोमु बासी र्‍वाक्‍तामा उ त्‍वाका वो मेर्मिमकु बेसी बु़डु़।

१ कोरिन्थी 13:8

रिखाम हेल्‍लो वो मेदाम, लावो माम्‍चु़नीलाम जेसीमिम दाम, ल्‍वामिम दाम, नेप्‍ची दाम।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।