हिब्रू 12:13 - थुलुङ राई

¹³ खेल ब्‍लेट्‍पामिम समिनु़ मा मेतासाका लाम्‍दिमु चाम्‍मिनु़ र्‍वाक्‍साका गानी ङाचो़कु चङचङ लाम्‍दिमुडा जो़होमका लाम्‍दिनी।

हिब्रू 12:13 Referans Kwoze

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

लूका 3:5

खोत्‍ले खोल्‍सामिम ङ्‌यासी, पोप्‍चङ नुङ जु़जु़लुङ देट्‍पा दु़म, गङते लाम्‍दी सीधा दु़म, मा लाम्‍दिमु खेरपा लाम्‍दी देट्‌पा दु़म,

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।