हिब्रू 12:11 - थुलुङ राई

¹¹ सीसि-चेसीकु थारी भ्रपा मेदु़म, थो़मबोक पिपा दु़खा दु़म। लावो चङडा, ओरामलाम सीसिक्‍पा-चेसिक्‍पामिमलाई ओरामका न-गो भ्रसिबेडु़ मा जो़पा बेसी-दोसी बेबेडु़।

हिब्रू 12:11 Referans Kwoze

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

१ पत्रुस 1:6

घरिकोङकाम लागि हापा दु़खामिम गानी इम्‍मु बासी, लावो ओरामकाम लागि छो़म भ्रसी द्‌वाक्‍नी।

हिब्रू 12:10

इकीमा पापमिमका जो़पा लु़म्‍डिम होङङा गुइलाई कति दु़पा सीसाड्‌डामी-चेसाड्‌डामी। लावो माम्‍चु़नी पापका ने इकीमा लागि हेल्‍लो लोवो जो़पा दु़म्‍नु़ मा गुमी होप्‍मामङा सेपा दु़म्‍मु चाप्‍सिनु़ र्‍वाक्‍साका गुइलाई सीसामी-चेसामी।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

२ पत्रुस 2:14

मेर्मिमका मेसेमनुङ अम्‍पा नका मेसेमलाई रेप्‍मी मा छु़ल बोमुका हेल्‍लो वो उनी गो मेतिम्‍सी। याक्‍के थो़रनुङमा मु़चु़मिमकु न मेर्मिमका फाल्‍सामी। मेर्मिमकु न-गो रारी बोमु छो़म थेट्‌पा बु। मेर्मिम वाइतो ल्‍वापामिम सो़।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।