हिब्रू 12:10 - थुलुङ राई

¹⁰ इकीमा पापमिमका जो़पा लु़म्‍डिम होङङा गुइलाई कति दु़पा सीसाड्‌डामी-चेसाड्‌डामी। लावो माम्‍चु़नी पापका ने इकीमा लागि हेल्‍लो लोवो जो़पा दु़म्‍नु़ मा गुमी होप्‍मामङा सेपा दु़म्‍मु चाप्‍सिनु़ र्‍वाक्‍साका गुइलाई सीसामी-चेसामी।

हिब्रू 12:10 Referans Kwoze

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

एफिसी 4:24

लाले मु़चु़ ने माम्‍चु़नीका उनी त्‍वाप होप्‍माम बनेबेबेम्‍डिम बु मा मेरामका माम्‍चु़नीकु ङादोडा जो़पा न-गोकाम नुङ आच्‍छाङाकाम त्‍वारो़म रेम्‍बु़। ओराम लाले बासी-दोसीगोडा बानी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।