Biblia Todo Logo
Bib sou entènèt

- Piblisite -




हिब्रू 11:6 - थुलुङ राई

6 थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

Gade chapit la Kopi




हिब्रू 11:6
47 Referans Kwoze  

ङादो माम्‍चु़नीकु किब्‍दी माल्‍नी, मा उनी ङादोडा जो़पा खारी बेनी। मेम्‍मा ओर्मिम खोत्‍ले ल्‍वामिम गुमीका गानीलाई ग्‍वानी।


मेम मेएँ माम्‍चु़नीकु किब्‍दी ङादो माल्‍नी। मेम्‍मा गानी चाहेबोनिमिम खोत्‍ले गुमीका ग्‍वानी।


मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।


लावो गुमीडा थो़रमेलु़साका हेसाका येन्‍मी मा? उनीमा नङकु दुथाम थो़म्डिमङा मिबु माला हेसाका गुमीडला थो़रलु़मी? कोङनिमका मेथो़बेसाका हेसाका उनीमा दुथाम थो़मी मा?


थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।


येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।


मेम्‍मिमका इनी थो़रडला इनी जो़पा दु़म्‍सी काप्‍तो लक्‍नी, जो़पा दु़म्‍सीडला न छेबेसी,


आथावो कोङ कोङ मु़चु़मिम बुमी मेर्मिम ने उनीमा ङेसिक्‍पा खोमगोनो हुमु ल्‍वामी। लावो माके जो़पा-सेला थो़पामिम ने र्‍वाकिमिम मेथो़पा दु़म्‍मिडिमका माम्‍चु़नीकु ङेसिक्‍पा खोमगोनो हुमु मेल्‍वामिवा।


गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।


मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।


गानी इनीमा त्‍वाकु छु़लडा सिनी र्‍वाक्‍साका गो गानीलाई र्‍वाङ्‌डो। गो गुमीङा र्‍वाक्‍साका गानी थो़र मेलु़निवा माला गानी इनीमा छु़लडा सिनी।”


मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।


मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।


गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।


लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”


मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।


थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।


लोवो इनी स्‍वाक्‍चिमो मु़चु़मिमलाई रिखाम बेनी, मेर्मिमलाई जो़पा बेनी। चङडा मेर्मिमलाम मेख्‍लोक्‍पा नका मेर्मिमलाई लोखा ग्‍वाक्‍नी। मेम्‍मा गानी डोक्‍पु पुरस्‍कार ल्‍वानी, मा गानी खोत्‍लेडाम घ्‍ल्‍वापा माम्‍चु़नीकु चो़-चु़सु़ दु़म्‍नी, हेङालोने माम्‍चु़नीका आला-तोमा मान्‍थिम मु़चु़ नुङ मेजो़पा मु़चु़डला वो न-थो़म रेम्‍बोमी।


“गानी उपास बुनिलो मु़चु़मिमकु मिक्‍सीलामडा जो़पा लिसिक्‍पामिम होङङा इनी ङाली मेडन्‍थाट्‌नी। हेङालोने मेर्मिमका उपास बाम्‍डिम मु़चु़मिमलाई रेम्‍बोमु लागि उनी ङाली डमी। आच्‍छाङा गो गानीलाई र्‍वाङु, मेर्मिमका उनी पुरस्‍कार ल्‍वामु दु़म्‍मिडिम बु।


“गानी सो़म्‍दी बोनिलो मु़चु़मिमलाम ल्‍वाला सो़म्‍सिमु लागि लाम्‍ख्राबाडे नुङ घ्रो़म्‍दीनेममिमबाडे सो़म्‍दी बोमु द्‌वाक्‍पा मु़चु़मिमकु मिक्‍सीलामडा जो़पा लिसिक्‍पा मु़चु़मिम होङङा मेबान्‍सिट्‌नी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।


इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।


आरे बोमुङा गानी जो़पा लु़न्‍नी, पाआ।


Swiv nou:

Piblisite


Piblisite