हिब्रू 11:40 - थुलुङ राई

⁴⁰ गुइनुङङा कोङङा मेर्मिमका वो ल्‍वामिनु़ र्‍वाक्‍साका माम्‍चु़नीका मेरामडाम वो जो़पा ल्‍वा इकीमा लागि झो़म्‍सिबेट्‌मिडिम बाइडा।

हिब्रू 11:40 Referans Kwoze

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

हिब्रू 8:6

लावो येशूलाई माम्‍चु़नीका ग्‍वाम्‍डिम डु़म्‍लाचो़कु खारी ने वाङमिम डु़म्‍लाचो़मिमलाई ग्‍वाक्‍मा खारीडाम डोक्‍पु बु। मेम्‍साका येशूका माम्‍चु़नीलाम उनीमा मु़चु़मिमकाडा रेट्‌मिडिम लाले सो़रख्रेप्‍सी ङादोम सो़रख्रेप्‍सीडाम छो़म डोक्‍पु बु। हेङालोने लाले सो़रख्रेप्‍सी ने मेरामडाम वो छो़म जो़पा ल्‍वामिमकु याचे जेसीलाम बनेबेम्‍डिम बाइडा।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।

हिब्रू 9:23

पाह्रीला डार्सीमिम होप्‍माम मेराम ल्‍वामिमलाई सेपा बोमु लागि ने ओकोम डु़म्‍ला बोमु बासी माला, पाह्रीलाम आच्‍छाङाकाम ल्‍वामिम सेपा दु़म्‍बेन्‍मु मेरामडाम वो छो़म जो़पा सासेसी चाहेदु़म।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 7:22

ओराम कसमलामका ङा येशूलाई ङादोम सो़रख्रेप्‍सीडाम जो़पा सो़रख्रेप्‍सी बेप्‍सोक्‍पा दु़म्‍बेडु़मी।

हिब्रू 11:16

मेम मेबेसाका, मेर्मिमका मेरामडाम वो जो़पा पाह्रीला बाट्‍पा नेब्‍दी लक्‍पा न बेम्‍डिम बाम्‍डी। मेम्‍मिमका माम्‍चु़नीका गुमी मेर्मिमकु माम्‍चु़नी र्‍वाला सो़म्‍सिमु उनी क्रो़म मेलु़, लावो गुमीका मेर्मिमकाम लागि कोङ शहर बनेबेम्‍डिम बु।