हिब्रू 11:3 - थुलुङ राई

³ माम्‍चु़नीका जेम्‍डिमका खोत्‍ले सु़म्‍दिसेर प्रङ्‌सिड्‌डा, मेम्‍साका मिक्‍सीका ल्‍वासिक्‍पा हाम बु मेराम मिक्‍सीका मेल्‍वासीमिमलामका प्रङ्‌सिड्‌डाम बु र्‍वाक्‍साका गुइ थो़रलामकाङा थेसिथेडी।

हिब्रू 11:3 Referans Kwoze

२ पत्रुस 3:5

लावो माम्‍चु़नीकु सिजेमलामका पाह्री नुङ सुबु माकेङा प्रङ्‌मिडिम ल्वा मेर्मिमका थेसा-थेसाका वो प्‍ल्‍वामी। सुबु ने कुलामका फ्‍वाक्‍साका कुलामका बनेदु़स्‍ता र्‍वाक्‍पा ल्‍वा वो थेसा-थेसाका मेर्मिमका प्‍ल्‍वामी।

यूहन्‍ना 1:3

माम्‍चु़नीका गुमीलामका खोत्‍ले प्रङ्‌मिडी, मा गुमी मान्‍थि कोले वो मेप्रङ्‌सिप्‍मिवा।

रोमी 4:17

माम्‍चु़नीकु सिजेमडा आरेसाका र्‍याक्‍मा बु, “गो गानालाई हापा सामामिमकु पाप दु़म्‍बेट्‌निम बु।” सिपामिमका त्‍वारो़म ल्‍वापा मा मेबाट्‍पा थोकलामका वो बाट्‍पा दु़म्‍बेन्‍मु लागि येट्‍पा माम्‍चु़नीडा अब्राहामका थो़र बु़डु़म बाइडा।

थु़र्मा 17:24

“सुबु नुङ मेगोडा बाट्‌पामिम खोत्‍ले प्रङपा माम्‍चु़नी गुमी ङा सो़। गुमी सुबु नुङ पाह्रीकाम मिप्रङमा सो़, मेम्‍मिमका मु़चु़का बनेबोमिम सो़रनेमडा मेबुमी।

रेम्‍बेट्‌मिडिम ल्‍वा 4:11

“आकीमा ङाचो़ नुङ माम्‍चु़नी, डोक्‍पु बोमु, नङ कोमु मा यु़म रमुका घ्रेट्‌पा गानी, हेङालोने खोत्‍ले गानी प्रङ्‌निमी मा इनीमा नका मेर्मिम प्रङ्‌सिम्‍डी मा मेर्मिमका त्‍वारो़म ल्‍वाम्‍डिम बु।”

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

१ तिमोथी 4:5

हेङालोने मेराम माम्‍चु़नीकु सिजेम नुङ सो़म्‍दीका सेपा दु़म।

हिब्रू 6:5

माम्‍चु़नीकु जो़पा सिजेम ल्‍वापामिम, मा रोक्‍पा थारीकाम माम्‍चु़नीकु यु़मखारी ल्‍वापा