हिब्रू 11:27 - थुलुङ राई

²⁷ थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

हिब्रू 11:27 Referans Kwoze

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

हिब्रू 11:1

थो़र ने हाम-हुम ल्‍वापा न बिइमिम आच्‍छाङा दु़म र्‍वाक्‍पा नुङ मिक्‍सीका मेल्‍वासिमिम ल्‍वा दु़मङा र्‍वाक्‍पा सो़।

याकूब 5:11

रेप्‍नी, उहेम इम्‍सिसाका बु गुलाई गुइ जिनुङमा सो़ र्‍वाकी। गानी अय्‍युबका उ दु़खा इम्‍डु़मकु दुथाम थो़न्‍निम बु, मा माम्‍चु़नीका मेरामलाई जि ग्‍वाम्‍डिम वो ल्‍वान्‍निम बु। गुमी हाङको छो़म न-थो़म नुङ दिदामनुङमा बुमी।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

१ कोरिन्थी 13:7

रिखामका खोत्‍ले ल्‍वा इम्‍डु़, खोत्‍ले ल्‍वाडा थो़र लु़, हेल्‍लो लोवो जो़पा ल्‍वा दु़म र्‍वाक्‍पा लु़, खोत्‍ले ल्‍वाडा इम्‍सिसाका बुमु चापा दु़म।

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

हिब्रू 6:15

अब्राहामका इम्‍सिसाका लथाड्‌डु़। मेम्‍मा माम्‍चु़नीका याचे जेम्‍डिम जि ल्‍वास्‍तु़।

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

थु़र्मा 2:25

दाऊदका येशूकु दुथाम आरे र्‍वाक्‍ताम बु, ‘माम्‍चु़नीलाई हेल्‍लो लोवो आमा ङादोडा गो ल्‍वाउतोमी, हेङालोने गो आमा ङिमुका मेरुङिनु़ र्‍वाक्‍साका गुमी आमा जो़पलाम बुमी।

मर्कूस 13:13

मेकोतिमा आमा दुथाम खोत्‍लेका गानीलाई नाप्‍छु़निमी, लावो हुक्‍पा थारीसम्‍म ङा इम्‍सिसाका बाट्‌पामिम कोङङा सेल्‍सिमी।

मर्कूस 4:17

लावो मेर्मिमकु सक्‍फार मिबुमिमका मेर्मिम कति दु़पा थारीसम्‍म कोङङा दु़म्‍मी। सिजेमकु दुथाम मु़चु़मिमका मेजो़पा बोमी मा उनीमा थो़मतेर्सामिलो मेर्मिमका मेराम डिन्‍ल्‍यामी।

मत्ती 24:13

लावो चङडासम्‍म थो़रलु़पाम बाट्‌पा मु़चु़ सेल्‍सी।

कलस्‍सी 1:15

मिक्‍सीका ल्‍वामु मेझापा माम्‍चु़नी गुइ ख्रीष्‍टडा ल्‍वामु चाप्सी। माम्‍चु़नीका प्रङ्‌मिडिम खोत्‍लेडला ख्रीष्‍टकु साखाम बु।