Biblia Todo Logo
Bib sou entènèt

- Piblisite -




हिब्रू 11:26 - थुलुङ राई

26 मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

Gade chapit la Kopi




हिब्रू 11:26
29 Referans Kwoze  

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।


मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।


मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।


ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।


माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।


न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।


मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”


इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।


ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।


मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।


ख्रीष्‍टकु पेल मेर्मिमडला बाइडा मा ख्रीष्‍टका हेसाका दु़खा ल्‍वामी मेम्‍मा यु़म-झ्‍वाक्‍सी ल्‍वामी र्‍वाक्‍पा मेर्मिमलाई सो़त्तोङा लेट्‌मिडी। मेर्मिमका ओराम ल्‍वा हाम्‍सी दु़म मा हेसाका दु़म र्‍वाक्‍साका माल्‍मु चो़म्‍मिडी।


गुइ वो शहरलाम पाखा गुमीकाडा लक्‍सी, मा गुमीका इम्‍मिडिम दु़खा होम्‍साकाङा गुइ वो दु़खा इम्‍डी।


याङलो गानीलाई मु़चु़मिमका खोत्‍लेकु ङादोडा इनीमा क्रो़म लु़बेट्‍मिडी मा थो़मतेर्साट्‌निमी। मेमकाङा थो़मतेर्ला सो़सिक्‍पामिमनुङ कोयो बान्‍नी।


लावो आमा लागि मे हा-हाम छो़म जो़पा मिम्तोम बाइडा, ओम्‍लो ख्रीष्‍टकाम लागि मेराम ने हाम ना हामकाम लु़ङु।


मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,


माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।


उहेमका माम्‍चु़नीलाम-जेपालाई माम्‍चु़नीलाम-जेपा होङङा रङु़, मेरामका माम्‍चु़नीलाम-जेपाकाम पुरस्‍कार ङा ल्‍वासु़। उहेमका माम्‍चु़नीकु ङादोडा जो़पा दु़म्‍पा मु़चु़लाई माम्‍चु़नीकु ङादोडा जो़पा दु़म्‍पा होङङा रङु़, मेरामका माम्‍चु़नीकु ङादोडा जो़पा दु़म्‍पाकाम पुरस्‍कार ङा ल्‍वासु़।


“चङचङया बानी वो! मु़चु़मिमलाम इनीमा नङ कोला सो़म्‍सिमु लागि मु़चु़मिमकु ङादोडा जो़पा खारीमिम मेबेनी। मेम बेन्‍नी माला ने पाह्रीलाम माम्‍चु़नी इनी पापका गानीलाई पुरस्‍कार मेग्‍वानी।


गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।


मेम्‍मिमका गानीगोडाम उहेमका उ त्‍वापनुङ बाट्‌पा खोत्‍ले ङेन्‍मु मेचाप्‍सु़, मेराम आमा सीसिपा मेदु़म।


Swiv nou:

Piblisite


Piblisite