हिब्रू 11:25 - थुलुङ राई

²⁵ घरिकोङकाम छु़लकु एलेङगी बोमुडाम ने माम्‍चु़नीकु मु़चु़मिमनुङ मेजो़पा बेला सो़म्‍सिमुङा गुका छेड्‌डु़।

हिब्रू 11:25 Referans Kwoze

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

याकूब 5:5

सुबुडा गानी खाप्‍चीका लिट्‌पा बान्‍नी, मा इनीमा नका पु़डु़म ल्‍वामिमका गानी गेर्सिट्‌निम बु। गानी फल्‍मु लागि सो़ नु़बेन्‍सिट्‌निम हादीबारा होप्‍माम दु़म्‍निम बु।

याकूब 1:20

हेङालोने मु़चु़कु छोक्‍चोका माम्‍चु़नीकु न होप्‍माम जो़पा खारी बोमु मेचाप्‍सु़।

हिब्रू 11:37

वाङमिमलाई मु़चु़मिमका लुङका ओप्‍मिडी, याङलाई आराका चेर्मिडी, याङलाई कातु़रु़का सेट्‌मिडी। याङका ने भेन्‍दाकु कोक्‍ते नुङ छ्‌वाराकु कोक्‍तेमिम फसिक्‍साका हाम वो मेबासाका लाम्‍दिम्‍बाल्‍मिडी। मेर्मिमलाई मु़चु़मिमका उनी थो़मतेर्साम्‍डी मा मेजो़पा बेम्‍डी।

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।

हिब्रू 4:9

माम्‍चु़नी येत्‍नोम नेम ङेम्‍सिम्‍डिम होम्‍साकाङा माम्‍चु़नीकु मु़चु़मिमकाम लागि वो ङेसिक्‍पा नेम जु़ल्मिडिम बु।

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

मत्ती 13:21

लावो मेराम दु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म। मेम्‍मा गुका थो़र लु़डामका दु़खा ग्‍वामिमा उ थो़मतेर्सामिलो थो़र लु़मु डिथाडु़।

थु़र्मा 7:34

मिश्र नेब्‍दीडा बाट्‌पा आमा मु़चु़मिमकु दु़खा गो ल्‍वाउतो, मा मेर्मिम येत्तो-ख्राप्‍तो बेम्‍डिम वो थो़उतो। मेर्मिमलाई बोप्‍डा-थार्डा गो योङडोम बु। मेम्‍मिमका लक्‍सा गो गानालाई मिश्र नेब्‍दीयु़ थु़र्नी।’