हिब्रू 11:16 - थुलुङ राई

¹⁶ मेम मेबेसाका, मेर्मिमका मेरामडाम वो जो़पा पाह्रीला बाट्‍पा नेब्‍दी लक्‍पा न बेम्‍डिम बाम्‍डी। मेम्‍मिमका माम्‍चु़नीका गुमी मेर्मिमकु माम्‍चु़नी र्‍वाला सो़म्‍सिमु उनी क्रो़म मेलु़, लावो गुमीका मेर्मिमकाम लागि कोङ शहर बनेबेम्‍डिम बु।

हिब्रू 11:16 Referans Kwoze

हिब्रू 13:14

हेङालोने ओराम सुबुडा इकीमा लागि हेल्‍लो लोवो दु़म्‍पाम बाट्‌पा शहर मिबु, लावो गुइ दिफु रोक्‍पा शहर लथाडिमिम बु।

हिब्रू 11:10

हेङालोने अब्राहामका ने माम्‍चु़नी उनी त्‍वाकु नड्‍डा मिम्‍साका बनेबोमिमिम हेल्‍लो लोवो दु़म्‍पाम बाट्‍पा फारनुङमा शहर गुका लथाड्‌डु़म बाइडा।

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

यूहन्‍ना 14:2

आमा पापकु नेमडा बाखोप हापा बु। मेमका मेबाट्‌पा माला इनीमा लागि, बाखोप झो़म्‍सिबेड्‌डा लक्‍तोङा बेउ र्‍वाक्‍साका हाम गानीनुङ र्‍वाङुवा?

हिब्रू 2:11

येशू, उहेमका मु़चु़मिमलाई सेपा दु़म्‍बेन्‍मी मा मे सेपा दु़म्‍पामिम खोत्‍ले कोले पापकु चो़मिमङा सो़। मेम्‍मिमका मेर्मिमलाई आमा वा-ल्‍वाक र्‍वामु येशूलाई उनी क्रो़म मेलु़।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

हिब्रू 11:14

मु़चु़मिमका उनी त्‍वाकाम कोले नेब्‍दी माल्‍मिमिम बुमी र्‍वाक्‍पा आरे र्‍वामिमिमका रेम्‍बु़।

२ तिमोथी 4:18

ङाचो़का गोलाई खोत्‍ले मेजो़पा ल्‍वालामका गेङिमी, मा गुमीका उनीमा पाह्रीलाम किब्‍दीकाम लागि गोलाई बोङिमी-थार्ङिमी। हेल्‍लो लोवो उनीमा यु़म झ्‍वानु़म बुनु़! आमेन।

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

थु़र्मा 7:32

‘गो इमा ङाउ-खुउ अब्राहाम, इसहाक नुङ याकूबकु माम्‍चु़नी।’ ओराम थो़स्‍तु़मा मोशा उ ङिमुका रुड्‌डु़मा गुका मेरामथो़ रेम्‍मुङा मेचाप्‍सु़वा।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

मर्कूस 12:26

सिपामिम बम्‍गेमी र्‍वाक्‍पा हाम गानी मोशाकु खाजेमडा डाट्‌निम मिबु? बुथ्राकु दुथाम माम्‍चु़नीकु सिजेमडा माम्‍चु़नीका मोशानुङ र्‍वाम्‍डी, ‘गो अब्राहाम, इसहाक नुङ याकूबकु माम्‍चु़नी।’

लूका 20:37

मु़चु़मिम सिमुलामका बम्‍गेमी र्‍वाक्‍साका मोशाका घ्रु़पाम बाट्‌पा भुत्राकु दुथाम र्‍याक्‍तु़म ल्‍वाडा जो़होमका रेम्‍बु़डु़म बु। हेङालोने मिप्रङमालाई मोशाका ‘अब्राहामकु माम्‍चु़नी, इसहाककु माम्‍चु़नी मा याकूबकु माम्‍चु़नी’ र्‍वाक्‍ताम बु।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 11:40

गुइनुङङा कोङङा मेर्मिमका वो ल्‍वामिनु़ र्‍वाक्‍साका माम्‍चु़नीका मेरामडाम वो जो़पा ल्‍वा इकीमा लागि झो़म्‍सिबेट्‌मिडिम बाइडा।

रेम्‍बेट्‌मिडिम ल्‍वा 21:2

सेपा शहर, लाले यरूशलेम पाह्रीलामका माम्‍चु़नीलाम योक्‍तोङा बेपा गो ल्वाउतो, मेराम शहर वोचु़काम लागि ब्‍ल्‍वासाका झो़म्‍सिबेट्‌मा लारेमा होप्‍माम बाइडा।