हिब्रू 11:13 - थुलुङ राई

¹³ ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

हिब्रू 11:13 Referans Kwoze

हिब्रू 11:27

थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

यूहन्‍ना 8:56

इनीमा बेब-पाप अब्राहामका गो योक्‍पा थारी रेम्‍मु छो़म गेर्सिक्‍पा बाइडा। गुका मेराम ल्‍वास्‍तु़, मा गेर्सिद्‌वाक्‍ता।”

हिब्रू 11:39

ओर्मिम खोत्‍ले मु़चु़मिमका थो़रलामका ओर्मिम थो़र बेपा मु़चु़मिम र्‍वाक्‍साका उनी नङ जु़ल्‍मिडी, मा वो माम्‍चु़नीका हाम ग्‍वानिनी र्‍वाम्‍डिम मेराम ओर्मिम सु़का वो मेडार्मिवा।

एफिसी 2:19

मेम्‍मिमका आथाडा आनो गानी वाङ नेब्‍दीलाम रोक्‍पा मा मेछेडिमिम मु़चु़ होप्‍माम मेएँ, लावो माम्‍चु़नीकु मु़चु़मिमनुङ उनीमा किब्‍दीगोडा बाट्‍पा साखाम ल्‍वान्‍निम बु, मा माम्‍चु़नीकु नेमगोडाम मु़चु़मिम दु़म्‍निम बु।

रोमी 8:24

हेङालोने गुइ हाम हुम ल्‍वामु लागि ङा माम्‍चु़नीका गुइलाई सेल्‍साड्‍डामी। हाम हुम ल्‍वाउनु़ र्‍वाक्‍साका नगोडा लन्‍थामु सो़। मु़चु़का ङादोङा ल्‍वामु दु़स्‍तु़म ल्‍वा गुका नगोडा मेलथाडु़। ङादोङा दु़स्‍ताम ल्‍वा सु़का लथाडु़ मा?

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

रोमी 4:21

हेङालोने माम्‍चु़नीका याचे जेम्‍डिम ल्‍वा आच्‍छाङा गुमीका बोमी र्‍वाक्‍साका चडु़म बाइडा।

१ यूहन्‍ना 3:19

ओ इकीमा बेसी-पेसीलामका गुइ च, गुइ आच्‍छाङाकाम ल्‍वाडा बुइ। मेम्‍मिमका माम्‍चु़नीकु ङादोडा गुइ येम्‍सिडिलो इकीमा ङिम मेलु़।

मत्ती 13:17

आच्‍छाङा गो गानीलाई र्‍वाङु, माम्‍चु़नीलाम-जेपामिम नुङ माम्‍चु़नीकु लाम्‍दीडा लाम्‍दिपा हापा मु़चु़मिमका गानी ल्‍वान्‍निम ल्‍वा ल्‍वामु न बेम्‍डिम बाइडा, लावो मेर्मिमका मेल्‍वामिवा। गानी थो़न्‍निम ल्‍वा थो़मु न बेम्‍डिम बाइडा, लावो मेथो़मिवा।

यूहन्‍ना 12:41

यशैयाका येशूकु यु़म-झ्‍वाक्‍सी ल्‍वास्‍तु़मका उनीमा दुथाम ओराम सो़यु़डु़म बाइडा।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

२ कोरिन्‍थी 5:6

मेम्‍मिमका हेल्‍लो लोवो इकीमा सो हन्‍होम बु। गुइ ओराम मिरो़मडा बुइमिमसम्‍म ङाचो़डाम होनोवा दु़म्‍सी र्‍वाक्‍पा ल्‍वा चडिम बु।

हिब्रू 11:14

मु़चु़मिमका उनी त्‍वाकाम कोले नेब्‍दी माल्‍मिमिम बुमी र्‍वाक्‍पा आरे र्‍वामिमिमका रेम्‍बु़।

हिब्रू 11:17

थो़रकाङा माम्‍चु़नीका अब्राहामकु न छाम्‍मिडिलो उमा चो़ इसहाक सेन्‍मुमा माम्‍चु़नीलाई ग्‍वामु झो़म्‍सिड्‌डा। अब्राहामनुङ माम्‍चु़नीका याचे जेम्‍डिम बाइडा, मेम मा वो गुका कोलेङा बाट्‌पा उ चो़ सेन्‍मु झो़म्‍सिड्‌डा।

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।