हिब्रू 11:11 - थुलुङ राई

¹¹ अब्राहामकु नाइमे सारा चो़ मेकक्‍पा नुङ छो़म ङामी बाइडा लोवो उमा थो़रकाङा माम्‍चु़नीका गुलाई गोजु़मे दु़म्‍मु चापा दु़म्‍बेट्‌मिडी। हेङालोने ग्‍वानी र्‍वाक्‍पा माम्‍चु़नी थो़रलु़इमिम बुमी र्‍वाक्‍साका गुका थो़र बु़डु़म बाइडा।

हिब्रू 11:11 Referans Kwoze

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

लूका 1:36

रेप्‍डा, इमा त्‍वाकु मु़चु़ एलीशिबाका वो उ ङामीदुडा गोजु़मे दु़स्‍तामा वोस्‍चो़ कक्‍पा दु़स्‍ताम बु। गुलाई खोत्‍लेका चो़ मेकक्‍सु़ र्‍वाम्‍डिम बाइडा। गु गोजु़मे दु़स्‍ताम रु (६) मुनाम दु़म्‍मु दु़म्‍स्‍तु़म बु।

रोमी 9:8

ओराम र्‍वाक्‍मा ने, मिरो़मलामका गक्‍पामिम ने माम्‍चु़नीकु चो़-चु़सु़ मेएँ, लावो माम्‍चु़नीका ग्‍वानिनी र्‍वाक्‍साका याचे जेम्‍डिम कोङङा अब्राहामकु चो़-चु़सु़मिम सो़।

गलाती 4:23

डु़ल्‍चो़मे हागारलाम गक्‍पा तारापाचो़ ने मु़चु़कु मिरो़म नुङ न होम्‍साका गस्‍ताम बाइडा। लावो त्‍वाकु नाइमे सारालाम गक्‍पा तारापाचो़ ने माम्‍चु़नीका याचे जेम्‍डिम होम्‍साका गस्‍ताम बाइडा।