हिब्रू 11:1 - थुलुङ राई

¹ थो़र ने हाम-हुम ल्‍वापा न बिइमिम आच्‍छाङा दु़म र्‍वाक्‍पा नुङ मिक्‍सीका मेल्‍वासिमिम ल्‍वा दु़मङा र्‍वाक्‍पा सो़।

हिब्रू 11:1 Referans Kwoze

२ कोरिन्‍थी 5:7

गुइ थो़रलामका बुइ-दोसी, मिक्‍सीका ल्‍वासिमिम ल्‍वालामका मेदोसी।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

हिब्रू 11:27

थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

हिब्रू 6:12

गानी भ्रेपा मेदु़म्‍नी, लावो माम्‍चु़नीका याचे जेम्‍डिम ल्‍वाडा थो़रलु़पा मा इम्‍सिसाका लथाट्‌मिडिम होप्‍माम गानी वो दु़म्‍नी र्‍वाक्‍पा आकीमा न बु।

हिब्रू 10:39

गुइ ने चङथो़ स्‍वापा मा सिपामिम मेएँ, लावो थो़र लु़पा मा सेल्‍सिक्‍पामिम सो़।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

२ कोरिन्‍थी 11:17

मेप्माम डोक्‍पु लिसिसी ने ङाचो़लाममिम मेएँ, लावो ओम्‍लो गो नेप्‍ची मान्‍थिम मु़चु़ होप्माम दु़म्‍साका जेत्तोङा बेउ।

२ कोरिन्‍थी 9:4

माकेडोनियाडाम थो़रलु़पामिमनुङ गो मेसिन्‍डा रोङुलो गानी झो़म्‍सिट्‌निम मेबायावा माला गानीडला छो़म थो़रलु़त्तोकोमका आकी क्रो़म लु़ मा इनीमा वो क्रो़म लु़।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।