हिब्रू 10:5 - थुलुङ राई

⁵ मेम्‍मिमका ख्रीष्‍ट सु़म्‍दिसेरडा योम्‍डिलो माम्‍चु़नीलाई आरे र्‍वाम्‍डिम बाइडा, “ग्‍वा-ग्‍वा नुङ सासेसी गानी न मेबेनिवा, लावो आमा लागि गानी कोले मिरो़म बनेबेन्‍निम बु।

हिब्रू 10:5 Referans Kwoze

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

हिब्रू 10:7

मेम्‍मा गो र्‍वाङडो, ‘रेप्‍नी, माम्‍चु़नी, दिल्‍मा सिजेमडा आमा दुथाम र्‍याक्‍मा होम्‍साका इनीमा न होङङा बेप्‍डा रोङडोम बु’।”

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

हिब्रू 8:3

माम्‍चु़नीलाई ग्‍वा-ग्‍वा नुङ सासेसी ग्‍वामु लागि खोत्‍ले डोक्‍पु डु़म्‍लाचो़ थुसिट्‌मिडिम दु़म। मेम्‍मिमका इकीमा डोक्‍पु डु़म्‍लाचो़का वो माम्‍चु़नीलाई हाम-हुम ग्‍वामु बासी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

मत्ती 11:3

“गुकु लथान्‍कुमिम रोक्‍पा ख्रीष्‍ट गानीङा डे गुकु वाङमिमलाई ङा लथान्‍कुमिम?”

लूका 7:19

मा ङाचो़ येशूकाडा ओराम ल्‍वा हिलाबेप्‍डा थु़र्स्‍तु़ची, “गुकु लन्‍थान्‍कुमिम मसीह गानी ङा डे, गुकु वाङमिमलाई ङा लन्‍थान्‍कुमिम?”

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

हिब्रू 10:8

ङादो ख्रीष्‍टका र्‍वाम्‍डी, “सासेसी नुङ ग्‍वा-ग्‍वा, मुड्‌डा चासाका ग्‍वाक्‍पा ग्‍वा-ग्‍वा नुङ छु़लकाम लागि ग्‍वाक्‍पा ग्‍वा-ग्‍वाडा गानी न मेबेनिवा, ना मेर्मिमडा गानी गेर्सिट्‌नी।” (डु़म्‍ला होम्‍साका ओराम सासेन्‍सी बोनी लोवो गुमीका आरे र्‍वाम्‍डी।)