हिब्रू 10:35 - थुलुङ राई

³⁵ मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।

हिब्रू 10:35 Referans Kwoze

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

लूका 14:14

मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”

हिब्रू 11:26

मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”

हिब्रू 2:2

माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।

एफिसी 3:12

ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

हिब्रू 10:19

मेम्‍मिमका वा-ल्‍वाकनी, येशूकु सिसिलाम खोत्‍लेडाम सेपा खोमगोनो गुइ मेङिसाका हुमु चाप्‍सी।

२ यूहन्‍ना 1:8

चङचङया बानी, गानी हामकाम लागि खारी बेत्तोङा लेनी मेराम दाम्‍सोक्‍पा मेएँ लावो छो़म पुरस्‍कार ल्‍वामु चाप्‍नी।