हिब्रू 10:30 - थुलुङ राई

³⁰ हेङालोने “गो फुलु़ सोक्‍पु, हाम बेम्‍डिम बु मेमङा बेउमी” र्‍वाक्‍पा गुमीलाई गुइ छेडी। मेम्‍मा गुमीका आरे वो र्‍वामी, “मिप्रङमाका उनीमा मु़चु़मिमकु निया बोमी।”

हिब्रू 10:30 Referans Kwoze

रोमी 12:19

द्‍वादीबुङ वा-ल्‍वाकनी, गानीलाई मेजो़पा बेपामिमडला गानी वो मेजो़पा मेबेनी, मेर्मिम माम्‍चु़नीकु ल्‍वाड्‍डा ङा जु़ल्‍नी। हेङालोने माम्‍चु़नीकु सिजेमडा र्‍याक्‍मा बु, “निया बेपा खारी आमा सो़। गो ङा मेरामकु फुलु़ सोक्‍पु।”

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

रोमी 13:4

हेङालोने मेर्मिम ने इनीमा लागि जो़पा खारी बेपा माम्‍चु़नीकु डु़ल्‍चो़मिम सो़। लावो गानी मेजो़पा खारी बोनी माला ने ङिनी, हेङालोने मेर्मिमका मेडेङा कातु़रु़ मेबिम्‍सिमी। मेर्मिम ने मेजो़पा खारी बेपामिमडला देन्‍दे रेट्‍पा माम्‍चु़नीकु डु़ल्‍चो़मिम सो़।