हिब्रू 10:29 - थुलुङ राई

²⁹ मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

हिब्रू 10:29 Referans Kwoze

हिब्रू 6:6

मु़चु़ दु़म्‍साका वो माम्‍चु़नीलाई डिसाका लक्‍पामिमलाई आथावो छु़ललामका ख्‍लोक्‍साका माम्‍चु़नीडा रेन्‍मु मेझाम। हेङालोने आरेप्‍माम मु़चु़मिमका ने माम्‍चु़नीकु तारापाचो़लाई आथावो क्रूसडा चेन्‍मी मा खोत्‍ले मु़चु़मिमकु ङादोडा उनीमा नो़-कल पार्सामी।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

१ कोरिन्थी 11:27

मेम्‍मिमका उहेमका हाम होङङा वो मेलु़साका ओराम सो़बेम पु़, ओराम कान्‍चु़रेलाम डुङु़, मेराम मु़चु़का ङाचो़कु मिरो़म नुङ सिसिकु कोर्थो़लाम छु़ल बु़डु़मका मुमा बेन्‍ला सो़सी।

लूका 12:10

उहेम मु़चु़का मिनीचो़कु कोर्थो़लाम जे मेरामकु छु़ल हेम्‍सिमु चाप्‍सु़, लावो उहेमका माम्‍चु़नी-पेललाई डक्‍साका जे मेरामकु छु़ल हेम्‍सिमु मेचाप्‍सु़।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

थु़र्मा 7:51

“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

हिब्रू 9:13

मेसेपा मु़चु़मिमलाई छ्‌वारा नुङ बेनोकु सिसिका रमिमा मालोम पितु चासाका मेरामकु फोकाका फोसाका मेर्मिमकु मिरो़म सेपा दु़म्‍बेन्‍मी।

१ कोरिन्थी 11:29

हेङालोने उहेमका ङाचो़कु मिरो़म मेछेसाका पु़ मा डुङु़, मेरामका पु़डु़म-डुङडु़मका उ त्‍वापडला देन्‍दे रेडु़।

हिब्रू 6:4

माम्‍चु़नीलाम ओल ल्‍वापामिम, माम्‍चु़नीलाममिम राप्‍लावा दो़पामिम, माम्‍चु़नी-पेल ल्‍वापामिम,

हिब्रू 2:11

येशू, उहेमका मु़चु़मिमलाई सेपा दु़म्‍बेन्‍मी मा मे सेपा दु़म्‍पामिम खोत्‍ले कोले पापकु चो़मिमङा सो़। मेम्‍मिमका मेर्मिमलाई आमा वा-ल्‍वाक र्‍वामु येशूलाई उनी क्रो़म मेलु़।

यूहन्‍ना 17:19

“इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

मत्ती 7:6

“सेपा थोकमिम ख्‍लेबामिमलाई मेग्‍वाक्‍नी, मेएँ माला ने मेर्मिमका गानीलाई घ्रमु माल्‍निमी। हापा थिकाम दिरिल्यमिम ब्‍वामिमकु ङादोडा मेफोट्‍नी, मेर्मिमका मेरामलाई देम्मिमा हाम ना हामकाम बनेबोमी।”

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

हिब्रू 9:20

मेम्‍मा गुका आरे र्‍वाक्‍ता, “माम्‍चु़नीडा गानीलाई गो र्‍वाङ्‌डोम होम्‍साका बोमु र्‍वाम्‍डिम सो़रख्रेप्‍सीकु सिसि ओरामङा सो़।”

१ कोरिन्थी 15:25

हेङालोने ख्रीष्‍टका खोत्‍ले स्‍वाक्‍चिमोलाई उनी फेमखेल गोयु़ मेबेथु़मसम्‍म उनी त्‍वाकाङा साखाम थो़मु बासी।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

१ कोरिन्थी 15:27

माम्‍चु़नीकु सिजेमका र्‍वा, “माम्‍चु़नीका खोत्‍ले ख्रीष्‍टकु फेमखेल गोयु़ जु़ल्‍मिडिम बु।” ओराम र्‍वाक्‍मा ने माम्‍चु़नी उनी त्‍वापङा ख्रीष्‍टकु साखामगोडा दु़म्‍मी र्‍वाक्‍मा ने मेएँ, हेङालोने खोत्‍ले ल्‍वा ख्रीष्‍टकु साखामगोडा जु़ल्‍साक्‍पा ने माम्‍चु़नी उनी त्‍वाप ङा सो़।

मर्कूस 7:2

येशूकु कोङ-कोङ सीसिपामिमका, मेसेपा ल्‍वाका, मेराम र्‍वाक्‍मा ल्‍वा मेसो़ल्‍साका ङा पेम्‍डिम मेर्मिमका ल्‍वाम्‍डी।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

एफिसी 5:26

गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,