हिब्रू 10:28 - थुलुङ राई

²⁸ मोशाकु डु़म्‍ला मेद्‌वाक्‍पा मु़चु़कु दुथाम नले-सुलेका सो़म्‍डिम बु माला मेरामका न-थो़म मेल्‍वासाका सिमु बासी।

हिब्रू 10:28 Referans Kwoze

हिब्रू 2:2

माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।

२ कोरिन्‍थी 13:1

गो गानीलाई क्रो़म्‍डा ओम्‍लो रोक्‍तोङा बेउमिमनुङ सु खेप दु़म। माम्‍चु़नीकु सिजेमडा आरेसाका र्‍याक्‍मा बु, “मुमा बेट्मा ल्वा नले-सुले मु़चु़मिमका ल्‍वात्तोको र्‍वाक्‍साका सो़मिमिम ल्वा कोङङा आच्‍छाङाकाम दु़म।”

यूहन्‍ना 8:17

नले मु़चु़का सो़चिमिम ल्‍वा डु़म्‍लानुङ घ्रो़म र्‍वाक्‍साका इनी डु़म्‍लाडा र्‍याक्‍मा बु।

मत्ती 18:16

लावो मेरामका थो़मु मेबिसावा माला कोले लोवो नले लोवो मु़चु़नुङ मेरामकाडा लक्‍सा, मेम्‍साका नले लोवो सुले लोवो सो़पाका गाना मुमा बेट्‌नाम ल्‍वा आच्‍छाङा रेम्‍बोमिनु़।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।

रोमी 9:15

गुमीका मोशानुङ र्‍वाम्‍डिम बु, “सु़डाम आमा थो़म भ्रो़ गो मेरामडला न-थो़म रेम्‍बेउ मा सु़लाई रिखाम बोमु द्‍वाक्‍पु मेरामलाई रिखाम बेउ।”

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?