हिब्रू 10:25 - थुलुङ राई

²⁵ कोङनिमका थो़रलु़पामिमकाम घ्रो़म्‍दीडा मेलक्‍पा बादु़खाम दु़म्मिम होङङा घ्रो़म्‍दीडा लमु मेडिडी। लावो ङाचो़ येशू योमु खाप्‍मिमिम गानी खोत्‍लेका ल्‍वानिमिमका कोलेका कोङमीलाई आथावो छो़म सो हन्‍बेबिइ।

हिब्रू 10:25 Referans Kwoze

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

मत्ती 18:20

हेङालोने बान्‍ते नले लोवो सुले लोवो आमा नङडा खोम्‍सिमिलो मेर्मिमकु थेतेडा गो दु़म्‍ङु।”

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

हिब्रू 10:24

मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

१ कोरिन्थी 5:4

गानी इकी ङाचो़ येशूकु नङडा खोम्‍सिनिलो आमा न नुङ ङाचो़कु यु़म गानीगोडा दु़म्‍लो,

१ थेसलोनिकी 4:18

मेम्‍मिमका ओर्मिम ल्‍वाका खोत्‍लेकाम सो हन्‍बेबेनी।

थु़र्मा 2:1

पेन्‍तिकोस चाडकामनेम थो़रलु़पामिम खोत्‍लेङा कोदेप खोम्‍सिम्‍डिम बाइडा।

थु़र्मा 20:7

नेप्सुङनेम नेम्‍था येशूकु ग्रुला पेप्‍डा गुकु खोम्‍सिक्‍तोको, मा पावल ने उ दिकाम नेम लमु न बु़डु़मका मेसिन्‍डाम थो़रलु़पामिमनुङ सिन्‍थाम को-न (१२) जेस्‍तामसम्‍म ल्‍वा बु़डु़म बाइडा।

१ कोरिन्थी 14:3

लावो माम्‍चु़नीलाम जेपा मु़चु़मिमका सु़ लोवो मु़चु़मिमनुङ जेमी। गुका मेर्मिमलाई यु़मनुङ बर्बेन्मु, सो हन्‍बेन्‍सामु, मा न बन्‍सामु जेमी।

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

फिलिप्‍पी 4:5

इनीमा जो़पा बासी-दोसी खोत्‍ले मु़चु़का ल्‍वामिनु़। ङाचो़ योमुङा खाप्‍मी।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

याकूब 5:8

मेम्‍साकाङा गानी वो इम्‍सिक्‍साका बानी मा इनी न-गो बन्‍थाट्‌नी। हेङालोने येशू योमु खाप्‍मिमिम बु।

१ कोरिन्थी 14:23

मण्‍डलीडा खोत्‍ले खोम्‍सिमिमा खोत्‍लेका वाङमी ल्‍वाडा जेम्‍डी, मा थेसिमेथेट्‌पा मु़चु़ नुङ थो़र मेलु़पा मु़चु़ मेसिन्‍डा रोम्‍डी माला हाम मेर्मिमका गानीलाई न मान्‍थिम मेर्‍वामी?

यहूदा 1:19

गानीलाई दु़मेबेट्‌पा, उनी त्‍वाकु नका दोपा मा माम्‍चु़नी-पेल मान्‍थिम मु़चु़ ओर्मिम सो़।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

१ कोरिन्थी 11:20

गानी कोदेप दु़म्‍साका पोनी-डुनिमिम ने आच्‍छाङा ङाचो़कु ग्रुला मेएँ।

१ कोरिन्थी 3:13

मेराम खारी निया दु़म्‍मिमनेम मुलामका जो़होमका रेम्‍बेसी। मेम्मा खोत्‍ले मु़चु़का हेप्‍माम खारी बेम्‍डिम बु मेराम मुका छाम्‍डु़।

थु़र्मा 16:16

कोलेम गुकु सो़म्‍दी बेखोप खोमयु़ लक्‍तोकोलो मुनाङका हुपा कोले डु़ल्‍चो़मे डार्तोको। मेरामका मु़चु़मिमकु र्‍याङमा सो़साका उ नेमहपमिमकाम लागि छो़म खउलुङ डु़प्‍थाल्‍लु़।

मत्ती 10:15

आच्‍छाङा गो गानीलाई र्‍वाङु, माम्‍चु़नीका निया बोमिमिमनेम सदोम नुङ गमोरा शहरडाम छु़ल बेपा मु़चु़मिमका ल्‍वापाडाम वो इम्‍मु मेझापा देन्‍दे मेराम शहरडाम मु़चु़मिमका ल्‍वामी।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

हिब्रू 10:37

हेङालोने, घरिकोङका, “योमु खाप्‍मिमिम गुमी योमी मा मेछु़मी।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।