हिब्रू 10:24 - थुलुङ राई

²⁴ मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

हिब्रू 10:24 Referans Kwoze

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

हिब्रू 13:3

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

२ थेसलोनिकी 3:9

गुकुलाई पोमु-डुमु ग्‍वाक्‍की र्‍वाक्‍साका गानीनुङ बिमु ल्‍वाकुवा, लावो गानी वो आकीमा बेसी बेनिमा गुकु होप्‍मामङा खारी बेपा दु़म्‍नी र्‍वाक्‍साका मेम बेत्तोकोम सो़।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

रोमी 12:15

गेर्सी द्‍वाक्‍पामिमनुङ गेर्सिट्‍नी। ख्रापामिमनुङ ख्राप्‍नी।

तीतस 2:4

मे ङामी मेसेममिमका स्‍वालामे मेसेममिमलाई उनी वोचु़ नुङ चो़च्‍चो़मिमलाई रिखाम बोमु,

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

रोमी 11:4

माम्‍चु़नीका गुनुङ र्‍वाम्‍डी, “बाल नो़प सेव मेसाट्‍पा गो येत धु़मसङ (७,०००) मु़चु़मिम आमा लागि गेत्तोमिम बु।”

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।