हिब्रू 10:23 - थुलुङ राई

²³ गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

हिब्रू 10:23 Referans Kwoze

१ थेसलोनिकी 5:24

गानीलाई येट्‌पा माम्‍चु़नी थो़रलु़इमिम बुमी, मेम्‍मिमका गुमीका आरे बोमिङा सो़।

१ कोरिन्थी 1:9

माम्‍चु़नी थो़र लु़इमिम बुमी। गुमीका उनीमा तारापाचो़ येशू ख्रीष्‍ट इकी ङाचो़नुङ हेमकेम दु़म्‍मु लागि गानीलाई येट्‌निमी।

२ थेसलोनिकी 3:3

लावो ङाचो़ येशू ने थो़रलु़इमिम बुमी। गुमीका गानीलाई सो ग्‍वानिमी, मा शैतानडाम बोनी-थार्नी।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

रेम्‍बेट्‌मिडिम ल्‍वा 3:11

गो दालाङा योङु। गानानुङ बाट्‌पा आच्‍छाङाकाम सीसि जो़होमका जेथाडा। मेम्‍मा इमा मुकुट सु़का वो रोन्‍मु मेचाप्‍सु़नु़।

याकूब 1:6

मेरामका उमा नडा हाम वो मेमुर्साका, लावो थो़रलु़साका बियु़नु़, हेङालोने नडा मुर्सिक्‍पा ने जुका भाल-आथो़ घ्रोक्‍पा दिरिदिनकु बाबारिम होप्‍माम सो़।

हिब्रू 11:11

अब्राहामकु नाइमे सारा चो़ मेकक्‍पा नुङ छो़म ङामी बाइडा लोवो उमा थो़रकाङा माम्‍चु़नीका गुलाई गोजु़मे दु़म्‍मु चापा दु़म्‍बेट्‌मिडी। हेङालोने ग्‍वानी र्‍वाक्‍पा माम्‍चु़नी थो़रलु़इमिम बुमी र्‍वाक्‍साका गुका थो़र बु़डु़म बाइडा।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।