हिब्रू 10:20 - थुलुङ राई

²⁰ रिपा-ये होल्‍साका डोक्‍पु सेपा खोमगोनो हुपा कोले लाले नुङ त्‍वारो़म ग्‍वाक्‍पा लाम्‍दी रेम्‍बेम्‍डिम बु, मेराम रिपा-ये ने ख्रीष्‍टकु मिरो़म सो़।

हिब्रू 10:20 Referans Kwoze

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 10:9

हुखोप लाम्‍चोको गोङा सो़, उहेम मु़चु़ गोलामका गोनो हु मेराम सेल्‍सी। नेमगो-पाखा हुपा लुक्‍पा बु़ मा जाखोप ल्‍वासु़।

हिब्रू 9:3

मेसिन्‍डा कोले रिपा-ये बाइडा। मेराम येका रिप्‍डु़म ननोम बाखोपलाई खोत्‍लेडाम सेपा खोम र्‍वाम्‍थाल्‍मिडी।

हिब्रू 9:8

सेपा बाखोपकाम पाखालाममिम सेपाखोम बुमिमसम्‍म गोलाममिम खोत्‍लेडाम डोक्‍पु सेपाखोमगोनो हुपा लाम्‍दी मेहोल्‍सी र्‍वाक्‍साका माम्‍चु़नी-पेलका रेम्‍बोमी।

हिब्रू 6:19

मेराम हाम-हुम ल्‍वापा नकाङा गुइलाई झेथाक्‍सा मा मेराम थो़रलु़इमिम नुङ भाल-आथो़ मेदु़म्‍पा बु। हाम-हुम ल्‍वापा ओराम नका रिपा-येगोनोम माम्‍चु़नीकु बाखोपगोनो लक्‍सा।

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

लूका 23:45

नेप्‍सुङ केकेया दु़स्‍ताम बाइडा, मा सो़रनेमगोडाम रिपा-ये थेते धालु़ आ़स्‍तामा नक्‍फाक्‍चो़ल दु़स्‍ता।

मर्कूस 15:38

मेकोतिलो सो़रनेम गोनोम रिपा-ये हालाम हायु़ ङा नक फ्‍वाक्‍चो़ल दु़स्‍तामा आ़स्‍ता।

मत्ती 27:51

मेकोतिलोङा सो़रनेमगोडाम रिपा-ये हालाम हायु़ नक फ्‍वाक्‍चो़ल दु़म्‍साका आ़स्‍ता। मेम्‍मा सुबु रुड्‌डु़, मा भ्‍र्‍वा रिड्‌डा।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।