हिब्रू 1:4 - थुलुङ राई

⁴ माम्‍चु़नीका उनी तारापाचो़लाई पाह्रीचो़मिमडाम डोक्‍पु बनेबेम्‍डी, मा उनी तारापाचो़लाई बाम नङलामका येट्‌मिडी मेराम ने पाह्रीचो़मिमलाई येट्‌मिडिम नङडाम छो़म डोक्‍पु बाइडा।

हिब्रू 1:4 Referans Kwoze

एफिसी 1:21

माम्‍चु़नीका डोक्‍पुमिम, साखामनुङमामिम, यु़मनुङमामिम, किब्‍दी थो़पामिम, ओम्‍लोम थारीका कोङङा मेएँ लावो रोक्‍पा थारीकाम लागि वो वाङमिम नङकु खोत्‍लेडाम डला ने ख्रीष्‍टलाई जु़ल्‍मिडी।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

कलस्‍सी 1:18

ख्रीष्‍ट मण्‍डली थो़पा बुइ बुमी, मे मण्‍डली उनीमा रो़म सो़। ख्रीष्‍टका लाले नु़सी ग्‍वाक्‍सामी। सिमुलाम बग्‍गेट्‌पा मा आथावो मेसिपा गुमीङा ङादोम सो़। मेम्‍मिमका खोत्‍लेकु डलाम गुमी ङा सो़।

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

हिब्रू 12:17

गानी चनी, मेराम जि-वा ल्‍वामु गुका न बु़डु़ लोवो मेल्‍वासु़वा। गुका उ प्‍ल आल्‍तो मेराम माल्‍लु़ लोवो गुका बु़ल्‍याड्‌डु़म ल्‍वा ख्‍लोमु थारी मेल्‍वासु़वा।