हिब्रू 1:2 - थुलुङ राई

² लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

हिब्रू 1:2 Referans Kwoze

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

यूहन्‍ना 1:3

माम्‍चु़नीका गुमीलामका खोत्‍ले प्रङ्‌मिडी, मा गुमी मान्‍थि कोले वो मेप्रङ्‌सिप्‍मिवा।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

१ पत्रुस 1:20

माम्‍चु़नीका सु़म्‍दिमोडाम वो ङादोङा इनीमा थि सोक्‍साक्‍पा गुमीलाई थुट्‌मिडिम बाइडा। लावो ओ हुक्‍पा थारीका इनीमाडा गुमी रेम्‍बेम्‍सिम्‍डी।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

हिब्रू 11:3

माम्‍चु़नीका जेम्‍डिमका खोत्‍ले सु़म्‍दिसेर प्रङ्‌सिड्‌डा, मेम्‍साका मिक्‍सीका ल्‍वासिक्‍पा हाम बु मेराम मिक्‍सीका मेल्‍वासीमिमलामका प्रङ्‌सिड्‌डाम बु र्‍वाक्‍साका गुइ थो़रलामकाङा थेसिथेडी।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

मत्ती 21:38

“लावो बोम्‍था बेपा मु़चु़मिमका मे उमा तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, ‘ये-द डार्पा मु़चु़ होनोङङा। रोक्‍नी, मेरामलाई सेडी, मा मेरामका डार्पा ये-द इकीमा ल्‍वाड्‌डा बिइ।’

हिब्रू 5:8

ख्रीष्‍ट माम्‍चु़नीकु तारापाचो़ बाम्‍डी, लावो त्‍वाका ल्‍वाम्‍डिम दु़खालामका गुमीका माम्‍चु़नीका र्‍वामिमिम थो़पा दु़म्‍मु सीसिम्‍डी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

हिब्रू 7:3

मल्‍कीसेदेककु माम-पाप सु़ बाम्‍डी, गु बाम दोचो़गोडाम बाइडा, गु हेल्‍लो गस्‍ता, मा सिडा र्‍वाक्‍साका र्‍याक्‍मा मिबु। गु माम्‍चु़नीकु तारापाचो़ होप्‍मामङा हेल्‍लो लोवो दु़म्‍पाम बाट्‌पा डु़म्‍लाचो़ सो़।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

हिब्रू 1:5

माम्‍चु़नीका उनीमा कोङनिम पाह्रीचो़मिमलाई हेल्‍लो वो आरे मेर्‍वाक्‍मिवा, “गाना आमा तारापाचो़, आनेप आथाम गो इमा पाप दु़म्‍ङोडोम बु।”

एफिसी 3:9

मेम्‍मा खोत्‍लेम थोक प्रङपा माम्‍चु़नीका सु़म्‍दिमोलो आथामङा थक्‍मिडिम ल्‍वा हाम र्‍वाक्‍साका खोत्‍लेनुङ सो़मु लागि गोलाई छेट्‌ङिडिमी।

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

यहूदा 1:18

मेर्मिमका र्‍वाम्‍डिम बाइडा, “हुक्‍पा थारी रोम्‍फामु खाप्‍डु़मिम बिलि सेम्‍ला बेट्‌पा मु़चु़मिम मेजो़पा उनी न होङङा दोमी।”

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 16:15

पापनुङ बाट्‌पा खोत्‍ले आमाङा। मेम्‍मिमका गो ग्‍वाक्‍पु, मेराम पेलका रमिमा गानीनुङ सो़मी र्‍वाङ्‌डोम।

मर्कूस 12:6

“मेरामनुङ गुका छो़म द्‌वाक्‍तु़म कोले ङा उमा चो़ बाइडा। मेर्मिमका उमा चो़लाई ने जो़होमका ङा बोमी डे र्‍वाक्‍साका खोत्‍लेकु चङडा मेर्मिमकाडा थु़र्स्‍तु़।

मर्कूस 1:1

माम्‍चु़नीकु चो़ येशू ख्रीष्‍टकु दुथाम जो़पा-ल्‍वाकु चो़म द।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

हिब्रू 1:8

लावो तारापाचो़कु दुथाम आरेसाका र्‍याक्‍मा बु, “ए माम्‍चु़नी, गानी हेल्‍लो लोवो साखाम थो़नी, मा गानी साखाम थो़निलो जो़होमका निया बोनी।

हिब्रू 9:26

आरेसाका हेल्‍लो लोवो लमु बासिक्‍पा माला ने सु़म्‍दिमोलो आथामङा गुमीका सिमुकु दु़खा इम्‍मु बासावा। लावो हुक्‍पा थारीका येशू ख्रीष्‍ट मु़चु़मिमकु छु़ल हेप्‍सी हेल्‍लो लोवो दु़म्‍नु़म बुनु़ र्‍वाक्‍साका उनी त्‍वापलाई कोखेपङा सासेन्‍ला सो़सिप्‍डा गुमी रेम्‍बेसिम्‍डी।

यूहन्‍ना 3:25

मेकोतिलोङा सेपा दु़म्‍मु सो़ल्‍सिक्‍पा डु़म्‍लाकु दुथाम यूहन्‍नाकु सीसिपामिम नुङ कोङनिम यहूदीमिम खाल्‍बेम्‍डी।

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

मत्ती 13:39

मालिन्‍दो फोट्‌पाका शैतानलाई रेम्‍बु़। हक्‍पा थारीका सु़म्‍दिसेरकु हुक्‍पा थारीलाई रेम्‍बु़। मेम्‍मा मा-के हक्‍पामिमका पाह्रीचो़मिमलाई रेम्‍बु़।

मर्कूस 12:7

“लावो मे बोम्‍थाम बेपामिमका र्‍वाम्‍डी, ‘ओराम ङा मेरामकु खाप्‍ची डार्पा चो़। लु, गुइ ओरामलाई वो सेडी मा गुका ल्‍वासु़मिम खोत्‍ले इकीमा ङा दु़म।’

यूहन्‍ना 1:10

गुमी सु़म्‍दिसेरडा बाम्‍डी, मा माम्‍चु़नीका गुमीलामकाङा सु़म्‍दिसेर प्रङ्‌मिडी, लावो सु़म्‍दिसेरका गुमीलाई मेछेडु़वा।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।

यूहन्‍ना 5:27

मेम्‍मा मु़चु़मिमकु निया बेपा साखाम गुलाई ग्‍वाम्‍डिम बु, हेङालोने गु मिनीचो़ सो़।

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 7:28

मोशाकु डु़म्‍लाका ने छु़ल बोमु चापा मु़चु़ बाइडा लोवो डोक्‍पु डु़म्‍लाचो़ थुड्‌डु़। लावो मोशाका डु़म्‍ला ग्‍वाक्‍तु़मिम चङ्‌डा माम्‍चु़नीका कसम पेसाका र्‍वाम्‍डिम सिजेमका हेल्‍लो लोवो दु़म्‍पाम बाट्‌पा मा खोत्‍ले बोमु चापा उनीमा तारापाचो़ येशूलाई डोक्‍पु डु़म्‍लाचो़ थुट्‌मिडी।

यूहन्‍ना 13:32

माम्‍चु़नीकु यु़म मिनीचो़लामका झ्‍वासी माला मिनीचो़कु यु़म गुमीलामका झ्‍वाबेन्‍मी, मा दालाङा उमा यु़म झ्‍वाबेन्‍मी।