हिब्रू 1:1 - थुलुङ राई

¹ माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।

हिब्रू 1:1 Referans Kwoze

लूका 24:27

मेकोतिमा येशूका मोशा नुङ माम्‍चु़नीलाम-जेपामिमका खोत्‍ले माम्‍चु़नीकु सिजेमडा येशूकु दुथाम र्‍याम्‍डिम खोत्‍ले ल्‍वा मेर्चिपलाई थेसिथेन्‍बेट्‌मिडी।

थु़र्मा 2:30

लावो दाऊद माम्‍चु़नीलाम-जेपा कोले मु़चु़ बाइडा। मेम्‍मिमका उ चो़-चु़सु़मिमगोडाम ङा कोलेलाई हप गन्पा उमा गन्‍खोपडा आच्‍छाङा गट्‌पु र्‍वाक्‍साका ङादो ङा माम्‍चु़नीका र्‍वाम्‍डिम ल्‍वा गुका चडु़म बाइडा।

लूका 1:55

मा इकीमा ङाउ-खुउमिमनुङ गुमीका ङादो र्‍वाम्‍डिम होम्‍साका ङा अब्राहाम नुङ उमा चो़-चु़सु़मिमडला हेल्‍लो लोवो उनीमा न-थो़म रेम्‍बेम्‍डिम बु।”

थु़र्मा 13:32

“माम्‍चु़नीका इकी ङाउ-खुउमिमनुङ ङादो र्‍वाम्‍डिम जो़पा-सेलाकु दुथाम गुचुकु आथा गानीनुङ सो़चुकु।

हिब्रू 2:2

माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।

लूका 1:72

गुमीका इकीमा ङाउ-खुउमिमडला न-थो़म रेम्‍बोमु लागि, मा सेपा उनीमा सो़रख्रेप्‍सी मिम्‍मु लागि,

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

यूहन्‍ना 7:22

मोशाका गानीलाई कोक्‍ते खिरिरि-क्रिपा डु़म्‍ला ग्‍वाक्‍निमिम बाइडा। (लावो मोशालामका ओराम रोक्‍ताम मेएँ, इकीमा बेब-पापलामका ओराम रोक्‍ताम।) मेम्‍मा वो ङेम्‍सिमुनेम गानी चो़च्‍चो़कु कोक्‍ते खिरिरि क्रिम्‍सानी।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

थु़र्मा 3:21

माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

हिब्रू 3:5

मोशा माम्‍चु़नीकु नेमडाम मु़चु़मिमगोडा थो़रलु़इमिम मा डु़ल्‍चो़ दु़म्‍साका बाइडा। माम्‍चु़नीका दिफु रेम्‍बेट्‍पा ल्‍वाकु दुथाम गुका मु़चु़मिमनुङ सो़यु़डु़।

हिब्रू 4:8

हेङालोने यहोशूका मेर्मिमलाई आच्‍छाङाकु ङेम्‍सिमु ग्‍वाकु़मिवाम माला माम्‍चु़नीका कोङमी रोक्‍पा नेमकु दुथाम मेर्‍वाक्‍मिवा।

हिब्रू 5:5

येशू ख्रीष्‍टका वो डोक्‍पु डु़म्‍लाचो़ दु़म्‍मु लागि उनी त्‍वाका त्‍वापलाई डोक्‍पु बेम्‍डिम मेएँ, लावो माम्‍चु़नीका गुमीलाई थुट्‌मीडिम, “गाना आमा तारापाचो़ आनेप गो इमा पाप दु़म्‍ङोडोम बु।”

हिब्रू 9:19

मोशाका डु़म्‍लाडा र्‍याक्‍मा खोत्‍ले ल्‍वा र्‍वामु दु़म्‍स्‍तु़। मेम्‍मा छ्‌वारा नुङ बेनोकु सिसि हिसपकु ग्रेमडा भेन्‍दाकु लालाम बोलुङ बसाका मे सिसिगोयु़ प्‍लु़म्‍तो मु़चु़ नुङ डु़म्‍लाकु खाजेमडला रक्‍तु़।

हिब्रू 11:2

माके इकीमा बेप-पापमिमकु उनी थो़रकाङा माम्‍चु़नीका मेर्मिमलाई द्‌वाम्‍डी।

हिब्रू 11:18

माम्‍चु़नीका गुलाई आरे बेम्‍डिम बाइडा, “इसहाकलाममिमङा इमा चो़-चु़सु़मिम ङार्सिप्‍मी।”

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?