गलाती 6:9 - थुलुङ राई

⁹ जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

गलाती 6:9 Referans Kwoze

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

२ थेसलोनिकी 3:13

वा-ल्‍वाकनी, गानी ने आरेप्‍माम जो़पा खारी बोमुडा मेघ्रु़म्‍नी।

हिब्रू 12:3

मेजो़पा मु़चु़मिम आरेसाका उनी कोर्थो़लाम बम्‍डिलो इम्‍पा येशूलाई मिम्‍नी, मेम्‍साका गानी मेघ्रु़म्‍नी मा इनीमा न-गो मेसि।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

याकूब 5:7

मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

१ पत्रुस 3:17

मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।

२ कोरिन्‍थी 4:16

मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

१ पत्रुस 4:19

मेम्‍मिमका माम्‍चु़नीकु न होम्‍साका दु़खा ल्‍वापामिमका थो़रलु़इमिम प्रङपा माम्‍चु़नीकाडा उनी त्‍वापलाई ग्‍वामिनु़ मा जो़पा खारी बोमिनु़म बुमिनु़।

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

मत्ती 24:13

लावो चङडासम्‍म थो़रलु़पाम बाट्‌पा मु़चु़ सेल्‍सी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

एफिसी 3:13

मेम्‍मिमका गो गानीलाई छो़म र्‍वाङु इनीमा लागि गो छो़म दु़खा ल्‍वाउलो इनी पाउ मेसोनु़। हेङालोने आमा दु़खाका इनीमा लागि जो़पा जि-वा रेडु़।

हिब्रू 12:5

मेम्‍मा माम्‍चु़नीका उनी चो़मिम होङङा गानीनुङ जेम्‍डिम सोहन्‍बेट्‌पा ओराम सिजेम प्‍ल्‍वान्‍निम? “ए आमा चो़, मिप्रङमाकु सीसि-चेसी सिसिवा मेलु़या, मा गुमीका ख्‍र्‍वानामिलो इ न-गो मेसेडा।

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

मत्ती 9:19

मेम्‍मिमका येशू बम्‍डिमा गुनुङ लम्‍डी, मा उनी सीसिपामिम वो उनी चङचङ लम्‍डी।

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।

मर्कूस 3:3

येशूका मे ल्‍वा सोक्‍पा मु़चु़लाई र्‍वाम्‍डी, “आसि खोत्‍लेकु ङादोडा येम्‍सा।”