गलाती 6:7 - थुलुङ राई

⁷ इनी त्‍वाकाङा त्‍वापनुङ लु-फेले मेबेनी, माम्‍चु़नीनुङ लिमा थेन्‍मु मेचाप्‍सी। हेङालोने मु़चु़का ये-दडा हाम ख्‍लियु़ मेरामङा हकु़।

गलाती 6:7 Referans Kwoze

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

१ कोरिन्थी 15:33

मु़चु़मिमकु आरेप्‍माम ल्‍वाका गानीलाई ताङताहेरथो़ मेलनिमिनु़: “मेजो़पा मु़चु़मिमनुङ लाम्‍दिसीका जो़पा बादीखाम फाल्‍सी।”

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

यहूदा 1:18

मेर्मिमका र्‍वाम्‍डिम बाइडा, “हुक्‍पा थारी रोम्‍फामु खाप्‍डु़मिम बिलि सेम्‍ला बेट्‌पा मु़चु़मिम मेजो़पा उनी न होङङा दोमी।”

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।