गलाती 6:4 - थुलुङ राई

⁴ खोत्‍लेका त्‍वा त्‍वाहोम बासीदोसीलाई त्‍वाकाङा रेप्‍नी। मेम्‍मा जो़पा दु़स्‍ता माला इनीमा त्‍वाकु खारीडा गेर्सी द्‌वाक्‍नी। लावो वाङमिमडाम जो़पा बेउ र्‍वाक्‍साका ने इनी नो़ डोक्‍पु मेबेनी।

गलाती 6:4 Referans Kwoze

२ कोरिन्‍थी 13:5

गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

१ कोरिन्थी 11:28

मेम्‍मिमका सो़बेम पोमु नुङ कान्‍चु़रेलाम डुमु ङादो गानी खोत्लेका त्‍वाकु न-गो छाम्‍नी।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।

१ कोरिन्थी 3:8

ख्‍लिपा नुङ कु फिक्‍पा निफिकाम खारी ने कोले ङा सो़। मेर्चिपका उची खारीकाम पुरस्‍कार ल्‍वाची।

१ कोरिन्थी 3:14

मेराम नेमकु फारडला बनेबेपा मु़चु़कु खारी मुगोडा फिकिलो फोका मेदु़प्सावा माला मेराम मु़चु़का पुरस्‍कार ल्‍वासु़।

फिलिप्‍पी 1:26

मेम्मा गो इनीमाडा आथावो रोङुलो आमा दुथाम गानी ख्रीष्‍ट येशूकु नङ हापा कोमु चापा दु़म्नी।