गलाती 6:15 - थुलुङ राई

¹⁵ कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

गलाती 6:15 Referans Kwoze

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

एफिसी 4:24

लाले मु़चु़ ने माम्‍चु़नीका उनी त्‍वाप होप्‍माम बनेबेबेम्‍डिम बु मा मेरामका माम्‍चु़नीकु ङादोडा जो़पा न-गोकाम नुङ आच्‍छाङाकाम त्‍वारो़म रेम्‍बु़। ओराम लाले बासी-दोसीगोडा बानी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

रोमी 2:28

पाखालाम कोङङा यहूदी लिसिक्‍पा ने आच्‍छाङाकाम यहूदी मेएँ, मेम्‍साकाङा पाखाडा ल्‍वासिक्‍पा खिरिरि क्रिप्‍सी नुङ मिरो़मडाम ल्‍वा वो आच्‍छाङाकाम मेएँ।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रोमी 2:26

खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 6:4

गुइ वो गुमीनुङङा कु-रु़दु़मलाम सिसाका क्‍लु़म्‍सिड्‍डी, लोवो यु़मनुङमा माम्‍चु़नीका उनीमा यु़म-झ्‍वाक्‍सीलाम येशू ख्रीष्‍टलाई सिमुलाम फम्‍खेट्‌मिडी। मेम्‍साकाङा गुइ वो ख्रीष्‍टनुङङा लाले त्‍वारो़मडा लाम्‍दीइ।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।