गलाती 6:14 - थुलुङ राई

¹⁴ लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

गलाती 6:14 Referans Kwoze

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

१ कोरिन्थी 3:21

मेम्‍मिमका मु़चु़का बोमु चाप्‍सु़मिम खारीडा उहेमका वो उ नो़ मेल्‍वाक्‍थाट्‌नु़। हेङालोने खोत्‍ले ल्‍वा इनीमाङा सो़।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

रोमी 6:2

मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?

२ कोरिन्‍थी 11:12

गो बेउतोम खारी बेउहोमङा बुङु। मेम दु़स्‍तामका मे उनी त्वाकाङा कोसिक्‍साका थु़र्मा लिसिक्‍पा मु़चु़मिमका गुकु होप्मामङा खारी बेत्तोको र्‍वाक्‍साका डोक्‍पु लिम्‍सिमु मेल्वामी।

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

गलाती 2:17

लावो येशू ख्रीष्‍टनुङ कोले दु़म्‍साका माम्‍चु़नीकु ङादोडा मुमा मान्‍थिम दु़म्‍मु माल्‍कुलो, गुकु यहूदीमिम लोवो वाङसामामिम होप्‍मामङा छु़लचो़ दु़म्कु माला येशू ख्रीष्‍टका छु़ल बेबेत्तिकिमिम मा? आरेप्‍माम ने हेल्‍लो वो दु़म्‍मु मेचाप्‍सु़।

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

फिलिप्‍पी 3:18

ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?