गलाती 6:12 - थुलुङ राई

¹² पाखानो जो़पा लिसिमु द्‌वाक्‍पामिमकाङा कोक्‍ते खिरिरि क्रिप्‍सी बोमु बासी र्‍वाक्‍साका गानीलाई छो़म र्‍वामी, हेङालोने येशू ख्रीष्‍ट क्रूसडा सासेन्‍सिम्‍डिम ल्‍वाका कोङङा सेल्‍सिमु झाम र्‍वाक्‍पा सीसि सीमिलो उनी त्‍वापडला दु़खा मेरोनु़ र्‍वाक्‍साका मेर्मिमका मेम र्‍वामी।

गलाती 6:12 Referans Kwoze

गलाती 5:11

वा-ल्‍वाकनी, कोक्‍ते खिरिरि क्रिप्‍सी बोमुङा बासी र्‍वाक्‍साका आथावो गो मु़चु़मिमलाई थो़बेट्‌पुमी माला हेङा आरेसाका आमा थो़मतेर्ला सो़सिङुवा मा? गो आरे बेउवाम माला येशू ख्रीष्‍ट क्रूसडा चेसिम्डी र्‍वाक्‍साका थो़बेट्‍मा ल्‍वाकु कोर्थो़लाम बक्‍पा ने सु़ वो मेदु़म्‍मिवा।

कलस्‍सी 2:23

आरेप्‍माम डु़म्‍लामिम बिसिक्‍साका मु़चु़मिमका माम्‍चु़नी गेर्सिबेन्‍मु लागि छो़म छो़मी, याक्‍के दु़म्सी रेम्बोमी, मा त्‍वाकु मिरो़मलाई दु़खा वो ग्‍वामी। मेम्मिमका ओर्मिम ल्वा ने नेप्‍चीनुङमा होप्माम ल्वासी, लावो ओर्मिम ने मु़चु़मिमलाई त्वाकु मेजो़पा नमिम ल्वाडा जो़होमका जु़ल्‍मु हाम ना हामकाम दु़म।

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

फिलिप्‍पी 3:18

ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

फिलिप्‍पी 2:4

गानी खोत्‍लेका त्‍वापलाई नु़पा कोङङा मेमाल्‍नी, लावो वाङमिमलाई नु़पा वो माल्‍नी।

फिलिप्‍पी 1:15

याङयाङका उनी नो़ मेनु़मिमका नुङ रोचु़म-रोचु़मका, लावो वाङमिमका ने जो़पा नका ख्रीष्‍टकु दुथाम थो़बेन्‍मी।

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

२ कोरिन्‍थी 10:12

त्‍वाकु नङ त्‍वाकाङा कोक्‍पा याङ मु़चु़मिमनुङ गुकु आकी त्‍वापलाई कोलेङा र्‍वाक्‍पा मिम्‍मु नुङ थो़म्‍मु सामाका मेफारु़। मेर्मिम उनी त्‍वाका बनेबेम्‍डिम थो़प्‍सी होम्‍साकाङा उनी त्‍वाका त्‍वापलाई छाम्‍साका जु़ल्‍मी मा त्‍वाकाङा त्‍वापलाई थो़प्‍मी माला मेर्मिम मु़चु़ नेप्‍ची मान्‍थिम दु़म्‍मी।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

लूका 20:47

मेर्मिमका अर्दोमेकु खाप्‍ची लु-फेले बोमिमा पोम्‍सामी, माम्‍चु़नीकु लाम्‍दीडा लाम्दिपा लिम्‍सिमु लागि छो़म दु़पा सो़म्‍दी बोमी। माम्‍चु़नीका मेर्मिमलाई छो़म इम्‍मु मेझापा देन्‍दे ग्‍वामी।”

मत्ती 23:28

मेम्‍साकाङा गानी वो पाखालामका मु़चु़मिमकु ङादोडा माम्‍चु़नीकु न-गो होप्‍माम रेम्‍बेन्‍सिनी, लावो इनीमा न-गो ने जो़पा लिसिक्‍पा नुङ छु़लमिमका देम्‍पा बु।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।

मत्ती 6:16

“गानी उपास बुनिलो मु़चु़मिमकु मिक्‍सीलामडा जो़पा लिसिक्‍पामिम होङङा इनी ङाली मेडन्‍थाट्‌नी। हेङालोने मेर्मिमका उपास बाम्‍डिम मु़चु़मिमलाई रेम्‍बोमु लागि उनी ङाली डमी। आच्‍छाङा गो गानीलाई र्‍वाङु, मेर्मिमका उनी पुरस्‍कार ल्‍वामु दु़म्‍मिडिम बु।

मत्ती 6:2

“मेम्‍मिमका खेरेला दु़म्‍पा मु़चु़मिमलाई गानी हाम-हुम ग्‍वानिलो मिनी मिक्‍सीलामडा जो़पा लिसिक्‍पामिमका मु़चु़मिमलाम नङ कोला सो़म्‍सिमु लागि घ्रो़म्‍दीनेमबाडे नुङ लाम्‍दी-गुदीबाडे डोक्‍पु रेम्‍बेम्‍सिप्‍मिमिम होङङा मेबेनी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

मत्ती 6:5

“गानी सो़म्‍दी बोनिलो मु़चु़मिमलाम ल्‍वाला सो़म्‍सिमु लागि लाम्‍ख्राबाडे नुङ घ्रो़म्‍दीनेममिमबाडे सो़म्‍दी बोमु द्‌वाक्‍पा मु़चु़मिमकु मिक्‍सीलामडा जो़पा लिसिक्‍पा मु़चु़मिम होङङा मेबान्‍सिट्‌नी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

मत्ती 5:10

माम्‍चु़नीकु जो़पा खारी बोमिमिमका उनी थो़मतेर्ला सो़सिक्‍पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 23:27

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने गानी डलामका बुबुम जाख्‍ली क्‍वाका कोट्‌मा सु़लु़म होप्‍माम बुनी। मे सु़लु़म डलामका जो़पा ल्‍वासी, लावो गोनो ने सिपा मु़चु़कु सेरडार नुङ खोत्‍ले झिपामिम दु़म।