गलाती 5:7 - थुलुङ राई

⁷ गानी जो़पा ओन्‍सीडा ओन्‍तोङा बेन्‍नी। लावो गानीलाई आच्‍छाङाकाम लाम्‍दीडा लाम्‍दिमु लागि सु़का गानीलाई भोप्‍नी?

गलाती 5:7 Referans Kwoze

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

२ कोरिन्‍थी 10:5

मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

मत्ती 13:21

लावो मेराम दु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म। मेम्‍मा गुका थो़र लु़डामका दु़खा ग्‍वामिमा उ थो़मतेर्सामिलो थो़र लु़मु डिथाडु़।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

रोमी 16:26

लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।

रोमी 15:18

हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

गलाती 5:10

गुइ खोत्‍ले ङाचो़नुङ दु़स्‍तिमका गानी कोर्थो़ न मेसोनी र्‍वाक्‍पा गो थो़रलु़ङडोम बु। गानीलाई ब्‍लो़प्‍जो़ल्‍साका कोर्थो़ लक्‍पा मु़चु़ सु़का लोवो देन्‍दे ल्‍वासु़।