गलाती 5:24 - थुलुङ राई

²⁴ येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

गलाती 5:24 Referans Kwoze

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

१ कोरिन्थी 3:23

गानी ख्रीष्‍टकाम, मेम्‍मा ख्रीष्‍ट ने माम्‍चु़नीकाम सो़।

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

गलाती 5:20

ङाटा सेव सान्‍मु, होन्मु-जोन्मु, त्‍वाप-त्‍वापगोडा द्‍वा मेबोमु, रिबुसी किन्‍मु, नाचु़र बोमु, छोक्‍चो बोमु, त्‍वाप कोङङा जो़पा दु़म्‍मु माल्‍मु, गो-फ बोमु, त्‍वाप-त्‍वापगोडा न मेघ्रो़म्‍पा मु़चु़मिमडाम फ्‍वाम्‍सिमु,

१ कोरिन्थी 6:13

गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

एफिसी 3:1

मेम्‍मिमका गानी वाङसामा मु़चु़मिमलाई ख्रीष्‍टकु जो़पा-सेला दो़उतोलो चसिङडोम गो पावलका र्‍वाङु।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

एफिसी 3:11

सु़म्‍दि प्रङमु ङादोङा गुमीका ओराम मुलु़ बेम्‍डिम बाइडा, मा उनीमा मुलु़ होङङा ओम्‍लो इकीमा ङाचो़ येशू ख्रीष्‍ट थु़र्साका बेम्‍सोम्‍डी।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।