गलाती 5:22 - थुलुङ राई

²² लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 5:22 Referans Kwoze

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

मत्ती 12:33

“जो़पा मा ल्‍वा ल्‍वामु न बोनी माला धक्‍सालाई जो़पा बेनी। इनी धक्‍साङा मेजो़पा बु माला मेरामडा मेजो़पा मा सिडु़। मेरामडा सिडु़मिम मालामकाङा मे धक्‍सा छेडी।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

एफिसी 4:23

मेम्‍मा इनी न-गो नुङ त्‍वारो़म आच्‍छाङा लाले दु़म्‍मु बासी।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

रोमी 15:3

हेङालोने ख्रीष्‍ट उनी त्‍वाका वो त्‍वापलाई गेर्सिट्‍पा खारी मेबेमिवा। माम्‍चु़नीकु सिजेमडा र्‍याक्‍मा बु, “गानीलाई डक्‍साका जेपामिमका गोलाई डक्‍साका जेम्‍डिम बु।”

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

लूका 13:9

मा पालीका ओराम बैससीकु मा सिड्‌डु़ माला जो़पा दु़म, मेसिडु़वा माला रु़प्‍नी’।”

१ तिमोथी 3:11

मेम्‍साकाङा मेसेममिम वो खोत्‍लेका जो़पा मिम्‍मु घ्रेट्‌पा, ओन्‍चो़मा मेबेट्‌पा, खोत्‍लेडा इम्‍सिक्‍पा, मा वाङमिमका गुडला थो़र लु़मिमिम दु़म्‍मु बासी।

२ थेसलोनिकी 3:2

माम्‍चु़नीका गुकुलाई रु़चो़ नुङ मेजो़पा मु़चु़डाम वाङ बोकिमिनु़ र्‍वाक्‍साका वो सो़म्‍दी बेनी, हेङालोने येशूकु सीसिडा खोत्‍लेका ने थो़र मेलु़मी।

रोमी 8:5

त्‍वाकु मिरो़मडाम बादीखाम होम्‍साका दोपामिमका मिरो़मकु बादीखामथो़ न सोकु़ लावो माम्‍चु़नी-पेल होम्‍साका दोपामिमका माम्‍चु़नी-पेल होम्‍साका ङा दोमु न सोकु़।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 15:30

द्‍वादीबुङ वा-ल्‍वाकनी, ङाचो़ येशू ख्रीष्‍ट नुङ माम्‍चु़नी-पेललाममिम रिखामका आमा दु़खा थारीका गोलाई ख्‍लो़ङिमिनु़ र्‍वाक्‍साका आमा लागि माम्‍चु़नीनुङ हेल्‍लो लोवो छो़म सो़म्‍दी बेङ्‍साङनी र्‍वाक्‍साका गानीनुङ र्‍वाङु।