गलाती 5:21 - थुलुङ राई

²¹ नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

गलाती 5:21 Referans Kwoze

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

१ थेसलोनिकी 5:7

अम्‍पा मु़चु़मिम सिन्‍था अम्‍मी, डु़का सेट्‌पामिमलाई वो सिन्‍थाङा डु़का सेडु़मी।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?